Posted: 11/20/2012 06:03 PM IST

ఇండస్ట్రీలో అడుగు పెట్టినప్పటి నుండి ఇప్పటి వరకు పెద్దగా హిట్లు లేకుండా మంచి అవకాశాలు సంపాదించుకుంటున్న భామ అమలాపాల్. ఈమె ఇప్పుడు వరుస సినిమాలతో బిజీగా ఉంది. అది స్టార్ హీరోల ప్రక్కన. మరి అమలాపాల్ కి ఇలా అవకాశాలు రావడం వెనుక ఏదో ఉందని అంటున్నారు సినీ జనాలు. ఇక ఆ విషయం ప్రక్కన పెడితే.... అమలాపాల్ తాజాగా మెగా ఫ్యామిలీ హీరోల ప్రక్కన నటిస్తుంది. మెగా హీరోల ప్రక్కన ఛాన్స్ కొట్టేశాననో లేక, తన రేంజ్ పెరిగిందని భావించిందో కానీ, ఇద్దరమ్మాయిలు సినిమా కోసం అమలా పాల్ తన రేటుని బాగా పెంచిందట. ఎంతా అంటే... అంతా ఇంతా కాదు... 90 లక్షలట. కోటి రూపాయలే అడగొచ్చుగా అంటే... అమ్మో, కోటి తీసేసుకున్నానని దిష్టి పెట్టేస్తారు. 90 లక్షలు చాలు అందట. తెలివైనదే. కాకపోతే, బండ్ల గణేష్ అంత మొత్తం ఇవ్వడానికి సిద్ధంగా ఉన్నాడో లేదో తెలీదు కానీ, సినీ జనాలు మాత్రం అమలా పాల్ భారీగా తన రేటును పెంచితే ఆమెకు అవకాశాలు ఎవరిస్తారని అంటున్నారు. ఏమో చూద్దాం.