Posted: 11/09/2012 12:48 PM IST

లీడర్ చిత్రం ద్వారా తెలుగు తెరకు పరిచయం అయిన బెంగాలీ భామ రీచా గంగోపాధ్యాయ తన నటనతో, అందంతో ప్రేక్షకుల మనస్సును దోచుకుంది. ప్రస్తుతం, తెలుగు, తమిళం భాషల్లో నటిస్తూ బిజీగా ఉన్న రీచా గంగోపాధ్యాయ లవ్ స్టోరీ ఇప్పుడు బజారుకెక్కింది. ఇన్నాళ్ళు రహస్యంగా నటుడు సుందర్ తో ప్రేమ వ్యవహారం నడిపి ఇప్పుడు చిక్కుల్లో పడింది. తమిళ నటుడు అయిన సుందర్, రీచా గంగోపాధ్యాయ కొన్నాళ్లుగా ప్రేమించుకుంటున్నారు. ప్రేమ కానుకగా రీచా సుందర్ కి ఏడు లక్షల రూపాయల విలువైన కెమెరాను బహుమతిగా ఇచ్చిందట. అంతా బాగానే ఉందనుకున్న సమయంలో సుందర్ రీచాతో వివాహానికి తొందర పెడుతుండటంతో రీచా అతన్ని అవైడ్ చేస్తూ వస్తుందట. దీంతో కోపానికి వచ్చిన సుందర్ ఆమె ఇచ్చిన కెమెరాను బద్దలు కొట్టాడట. దీంతో ఆగ్రహించిన రీచా అతన్ని పూర్తిగా కలవడం మానేసిందట. దీంతో అతడు ఆత్మహత్య చేసుకుంటానని బెదిరించాడట. ఈ విషయం పై రీచా మేనేజర్ మాట్లాడుతూ... రీచా ఎదుగుదలను ఆపేందుకే సుందర్ అలా చేస్తున్నాడని, ప్రస్తుతం ఆమె సినిమాల్లో బిజీగా ఉందని చెప్పుకొచ్చాడు. మరి ఈ విషయాన్ని రీచా ఖండించక పోవడం పై కోలీవుడ్ జనాలు రీచాకి ఆ హీరోనుండి వేధింపులు బాగానే వస్తున్నాయని అంటున్నారు.