Posted: 10/04/2012 12:27 PM IST

ఈ మధ్య కాలంలో టాలీవుడ్ హీరోల మీద పుకార్ల మీద పుకార్లు వస్తున్నాయి. మొన్నటికి మొన్న పవర్ స్టార్ పవన్ కళ్యాణ్ ఓ విదేశి అమ్మాయిని రహస్యంగా పెళ్ళి చేసుకున్నాడని, వారికి ఈ మధ్యనే ఓ పాప కూడా పుట్టిందని పుంకాలు పుంకాలుగా చెప్పుకున్నారు. చిరవరికి అది అబద్దం అని తేలడంతో అందరూ చల్లబడ్డారు. తాజాగా మరో టాలీవుడ్ హీరో పై కూడా అలాంటి రూమరే ఫిలింనగర్ లో చెక్కర్లు కొడుతుంది.. ఫిలింనగర్ కబుర్ల ప్రకారం... సదరు టాలీవుడ్ హీరో ఒకప్పుడు హిట్ చిత్రాల్లో నటించాడని, అతనికి ఇదివరకే పెళ్ళి అయిందని, ఈ మధ్యనే అమెరికాకు వెళ్లి అక్కడే పెళ్ళి చేసుకొని వచ్చి ఇక్కడ రహస్యంగా కాపురం పెట్టాడని, ఆమె కూడా గతంలో ఇతనితో రెండు చిత్రాల్లో నటించిందని.. కానీ ఈ విషయం తన భార్యకు తెలియకుండా గోప్యంగా ఉంచుతున్నాడని ఇలా రకరకాల క్లూస్ ఇస్తున్నారు. మరి వీటిని బట్టి మీరే గెస్ చేసుకోండి సదరు హీరో ఎవరనేది ? ఈ వార్తల్లో నిజమెంతో తెలియాలంటే పూర్తి విషయం బయటకు రావాల్సిందే.