Posted: 10/04/2012 12:22 PM IST

టాలీవుడ్ లో టాప్ రేస్ లో దూసుకుపోతున్న హీరోయిన్లలో సమంతా ఒకరు. అనతి కాలంలోనే టాలీవుడ్ అగ్ర హీరోయిన్స్ కి గట్టి పోటీనిస్తున్న ఈ క్యూట్ గాళ్ కి ఆది నుండి పట్టిందల్లా బంగారం అయిపోతుంది. ఏ సినిమాలో నటించిన ఆ సినిమా ఖచ్చితంగా హిట్ అవుతుంది. ఈ సెంటిమెంటుతో సమంతాని హీరోయిన్ గా పెట్టుకొని సినిమాలు తీయడానికి దర్శక, నిర్మాతలు క్యూ కడుతున్నారు. డేట్లు ఖాళీ లేకపోయినా  ఆమె కాల్షీట్లు ఎప్పుడు ఇస్తే అప్పుడే చేయడానికి కూడా వెయిట్ చేస్తున్నారు. అలాంటి సమంతా హ్యాండ్ బాగుందని బడా వ్యాపారవేత్తలు కూడా భావించి, తన వ్యాపారాలు ఈమెతో ఓపెనింగ్ చేయిస్తే బాగా నడుస్తాయనే సెంటిమెంటుతో ఈమెతో షాపులు ఓపెన్ చేయించడానికి వారు కూడా క్యూ కడుతున్నారట.

అందం ఉన్నప్పుడే ఆరబోయాలి - డిమాండ్ ఉన్నప్పుడే డబ్బులు సంపాదించాలనే ఆలోచనతో సమంతా కూడా వచ్చిన వారి దగ్గర భారీగా డబ్బులు డిమాండ్ చేస్తుందట. ఒక్క షాపు ఓపెన్ చేయడానికి కనీసం మూడు గంటల సమయం కేటాయిస్తుందట. ఈ మూడు గంటలకి ముప్పై లక్షలు డిమాండ్ చేస్తుందట. అయినా సదరు వ్యాపార వేత్తలు రేటు గురించి ఆలోచించకుండా సమంతాతో ఓపెన్ చేయించుకుంటున్నారట. ఇటు సినిమాలతోనే కాకుండా, సైడ్ పార్ట్ టైం బిజినెస్ తో సమంతా భారీగా సంపాదిస్తుందని సినీ జనాలు అనుకుంటున్నారు.