Posted: 09/27/2012 08:03 PM IST

టాలీవుడ్ లో ఓటమి అంటూ ఎరగని దర్శకధీరుడిగా పేరు తెచ్చుకున్న రాజమౌళి దర్శకత్వం వహించిన ‘ఈగ’ సినిమా టాలీవుడ్ నే కాకుండా తమిళ చిత్ర పరిశ్రమలో కలెక్షన్ల వర్షం కురింపించిన విషయం తెలిసిందే.. అయితే ఈ చిత్రం పై ఓ వార్త ఫిలింనగర్ లో సంచలనం  రేపుతోంది. ఈ చిత్రానికి ఇప్పటి వరకు తెలుగు, తమిళంలో కలిసి 130 కోట్లకు పైగా గ్రాస్ వసూళ్ళు సాధించిందని వార్తలు వినిపిస్తున్నాయి.. ఈ మధ్యనే ఈ సినిమా తొలిసారిగా తెలుగు నుండి ఆస్కార్ నామినేషన్ బరిలో నిలిచింది. అయితే హిందీ చిత్రం ‘బర్ఫీ ’ ధాటికి  ‘ఈగ’ ఆస్కార్ నామినేషన్  దాకా ఎగురలేకపోయింది.

ఇప్పుడు ఈ చిత్రాన్ని ఉన్నది ఉన్నట్లుగా 3డీలో హిందీ వెర్షన్ లో అక్టోబర్ 12న గ్రాండ్ గా విడుదల చేస్తున్నారు. అక్కడ విడుదలై  మంచి టాక్ తెచ్చుకుంటే ‘ఈగ’ చిత్రం ఈజీగా 200 కోట్ల మార్కును దాటుతుందని సినిమా ట్రేడ్ వర్గాలు అంటున్నాయి.  ఏది ఏమైనా ఇవన్నీ గాలి లెక్కలు మాత్రమే. నిర్మాతలు స్వయంగా ప్రకటిస్తే తప్ప ఈ వార్తల్లో నిజా నిజాలు తేలే అవకాశం లేదు. ఒక వేళ అదే గనుక జరిగితే ఒక తెలుగు సినిమా ఇంత భారీ మొత్తం వసూలు చేసిన సినిమాగా రికార్డులకెక్కడమే కాకుండా, రాజమౌళి స్టార్ డమ్ కూడా మరింత పెరుగుతుందనడంలో సందేహం లేదేమో ....