Posted: 08/01/2012 08:40 PM IST

క్యూట్ బ్యూటీ అమలపాల్ క్రమంగా కమర్షియల్ హీరోయిన్ గా తన హవాను చాటుతోంది. 'ప్రేమఖైదీ' 'నాన్న' వంటి అదోటైపు సినిమాలతో తెలుగు వారికి పరిచయం అయిన అమల 'లవ్ ఫెయిల్యూర్'తో తన ప్రత్యేకతను చాటుకొంది. 'బెజవాడ' రూపంలో దారుణ పరాజయం ఎదురైనా, ప్రస్తుతం రామ్ చరణ్ సినిమాతో అమల మంచి అవకాశాన్నే కొట్టేసింది. ఈ నేపథ్యంలో గ్లామరస్, కావాలంటే బోల్డ్ గా నటించడానికి తనకు ఎటువంటి అభ్యంతరం లేదని అమల సిగ్నల్ ఇస్తోంది. వీక్షకులకు కనువిందు చేయడానికి తాను రెడీనే అంటోంది. 'ఇది నేనొక్కదాన్నే చేస్తోంది కాదు, అందరు నటీమణులు తెరపై చేస్తోందే, బికీనీలో చేయడానికి కూడా నాకు వ్యక్తిగతంగా ఎటువంటి అభ్యంతర లేదు' అని అమల స్పష్టంగా తన అభిప్రాయాన్ని తెలుపుతోంది. ప్రస్తుతం చరణ్ సినిమాతో పాటు ఈ మధ్యనే తన మాతృ భాష కు కూడా ఒక మోహన్ లాల్ సినిమాతో పరిచయం అయ్యింది ఈ మళయాళీ బ్యూటీ. అమల మాటలను బట్టి తర్వలోనే స్క్రీన్ పై ఈమె ను బికీనీలో వీక్షించే అవకాశం ఉందని అర్థం అవుతోంది. .