Posted: 05/14/2012 05:13 PM IST

మళయాల ముద్దుగుమ్మ ఆసిన్ తెలుగు ఇండస్ట్రీలో ఓ మోస్తరు హీరోయిన్ గా చెలామణి అయ్యింది. అయితే రాను రాను అవకాశాలు తగ్గడంలో తన లక్ ని పరీక్షించుకోవడానికి టాలీవుడ్ నుండి బాలీవుడ్ కి వెళ్ళింది. అయితే అక్కడ కూడా తనకి కలిసి రాకపోవడంతో ప్రస్తుతం ఏ సినిమా ప్రాజెక్టులు లేక ఖాళీగా ఉంటుంది.

అయితే టైం వేస్టు చేయడం ఎందుకని అనుకుందో ఏమో గానీ ఈ ముద్దుగుమ్మ ఓ పని కోసం ఒక ట్రైనర్ ని నియమించుకుంది. అతన్ని నియమించుకున్నప్పటి నుండి రాత్రి పగలు తేడా లేకుండా అతనితో గడుపుతూ ఆ పనిలో ట్రైనింగ్ తీసుకుంటుందట. ఇంతకీ ఆసిన్ ఏ పని కోసం ట్రైనర్ ని నియమించుకుంది ? ఏ పనిలో ట్రైనింగ్ తీసుకుంటుంది అని అనుకుంటున్నారా?

ఈ అమ్మడుకి ‘వాల్ట్స్’ అనే డాన్స్ అంటే తెగ ఇష్టమట. ఈ డాన్స్ ని నేర్చుకుందామని ఎప్పటి నుండో అనుకున్నా వీలుకాక నేర్చుకోలేదట. ప్రస్తుతం ఖాళీగా ఉండటంతో ఈ పనిని పూర్తి చేయడానికి పూనుకుందట. మరి డాన్స్ వల్ల ఏమైనా ఉపయోగాలు ఉన్నాయంటే... అలాంటిది ఏం లేదు. నాకు ఇష్టం కాబట్టి నేర్చుకుంటున్నాను. భవిష్యత్తులో ఏ సినిమాలోనైనా అవసరం వచ్చినప్పుడు ఉపయోగపడుతుంది. అందుకే ముందు జాగ్రత్తగా నేర్చుకుంటున్నానని చెప్పింది.

ఈ విషయం తెలిసిన బాలీవుడ్ జనాలు మాత్రం డాన్స్ నేర్చుకోవడానికి రాత్రి పగలూ అతనితోనే గడపాలా ? నేర్చుకోవడానికి రోజుకు 4 నుండి 5 గంటలు సరిపోతుంది కదా ? అని అనుకుంటున్నారు. మరి ఆసీన్ కే తెలియాలి ఆట్రైనర్ దేనిలో ట్రైనింగ్ ఇస్తున్నాడో ?