Posted: 05/12/2012 05:00 PM IST

తెలుగులో కథానాయికగా మంచి గుర్తింపు తెచ్చుకున్న ప్రియమణి ప్రస్తుతం కనిపించుటలేదు. అంటే ఎవరితోనైనా లేచిపోయిందా ? లేక ఎటన్నా వెళ్ళిపోయిందా ?... కంగారు పడకండి కనిపించడం లేదంటే దానర్థం తెలుగు సినిమాల్లో కనిపించడం లేదని. తెలుగులో ‘ఎవరే అతగాడు’ చిత్రంతో పరిచయమైనా, జగపతిబాబు నటించిన ‘పెళ్లైన కొత్తలో’ చిత్రం ఈ కేరళ భామకు గుర్తింపుని తెచ్చిపెట్టింది. ఆ తర్వాత ఎన్టీఆర్, బాలకృష్ణ, రవితేజ, గోపీచంద్, నాగార్జున, సూర్య తదితర హీరోలతో రొమాన్స్ చేసిన ఈ ముద్దుగుమ్మ ‘క్షేత్రం’ చిత్రం దగ్గరి నుంచి తెలుగు ప్రేక్షకులకు మొహం చాటేసింది.

ఈ సినిమా తర్వాత కన్నడ చిత్రాల్లో యమబిజీగా మారిపోయింది ఈ సుందరి. అక్కడ వరుస చిత్రాలతో మంచి పేరు తెచ్చుకుంటోంది. తెలుగులో అవకాశాలు తగ్గిపోవడంతో కన్నడ చిత్రపరిక్షిశమకు మకాం మార్చిన ప్రియమణి తెలుగులో మంచి అవకాశాల కోసం ఎదురు చూస్తోంది. మళ్లీ రీ ఎంట్రీ కోసం ఎదురు చూస్తున్న ప్రియమణికి ఏ దర్శకుడు అవకాశం కల్పిస్తాడో చూడాలి మరి.