Posted: 04/11/2012 02:39 PM IST

ప్రపంచ సుందరిగా పేరు తెచ్చుకోవడమే కాకుండా బాలీవుడ్ టాప్ హీరోయిన్ గా కూడా అగ్ర స్థానంలో నిలిచిన ఐశ్వర్యరాయ్ ఇల్లాలుగా మారి గత నవంబర్ లో ఓ పండంటి బిడ్డకు జన్మనిచ్చిన సంగతి తెలిసిందే. తను గర్బం దాల్చినప్పటి నుండి సినిమాలకు దూరం అయిన ఈమె ప్రసవం తరువాత సినిమాల్లో నటిస్తుందని, దాని కోసం తన శరీర సౌందర్యానికి కూడ మెరుగులు దిద్దుకుంటుందని వార్తలు వచ్చాయి. అయితే తాజాగా ఈమె ఇప్పట్లో సినిమాల్లో నటించే అవకాశమే లేదంటున్నారు ? మరో రెండు సంవత్సరాల వరకు ఈమె పూర్తిగా ఇంటి పనులకే పరిమితం కాబోతుందని బాలీవుడ్ లో టాక్.

దీనికి కారణం ఏంటంటే...  ప్రస్తుతం కూతురు ఆలనాపాలనా చూడడంతో బిజీగా ఉన్న ఐష్‌..  ఇప్పుడిప్పుడే మళ్లీ ఫంక్షన్లలోనూ, పార్టీల్లోనూ తళుక్కుమంటోంది. ఐతే, ఎక్కువ సమయం మాత్రం బేటీ బీని చూసుకోవానికి కేటాయిస్తోంది. అంతే కాకుండా బేటీ బీకి తోడుగా మరొక చిట్టి పాపాయి ఉండాలని భావిస్తున్న అభి-ఐష్‌.. వీలైనంత తొందర్లో మరో బిడ్డను కనాలన్న ప్లాన్‌లో ఉన్నారని సమాచారం.

అందుకోసం.. ఐష్‌ సినిమా కెరీర్‌ను పక్కకుపెట్టాలని డిసైడయ్యిందని అంటున్నారు. అభి-ఐష్‌ల డెసిషన్‌తో ఫ్యాన్స్‌ పూర్తిగా నిరాశపడక్కర్లేదు. సినిమాలకు దూరమైనా యాడ్స్‌లో మాత్రం నటిస్తుంది. అంతేకాదు.. కొన్ని సినిమాల్లో అతిథి పాత్రల్లోనూ మెరిసే అవకాశాలున్నట్టు తెలుస్తోంది. 38 ఏళ్ల ఐష్ ప్రస్తుత పరిస్థితుల్లో కొన్నాళ్లపాటు బాలీవుడ్‌కి దూరమైతే.. తిరిగి మళ్లీ పుంజుకోవడం కష్టమేనంటున్నారు బాలీవుడ్ క్రిటిక్స్. ఇందుకు.. మాధురీదీక్షిత్ లాంటి వాళ్లను ఎగ్జాంపుల్‌గా చూపిస్తున్నారు. అందరి సంగతీ ఎలా ఉన్నా.. ఐష్‌కున్న ఫాలోయింగ్‌ ఆమె కెరీర్‌ను ఎలాంటి మలుపు తిప్పుతుందో వేచి చూడాల్సిందే.