Posted: 03/06/2012 08:46 PM IST

కత్రినా ఐటమ్‌సాంగ్ వుంటే సినిమా హిట్టే...ఇది ఈ మధ్యకాలంలో బాలీవుడ్ ట్రేడ్ వర్గాల వ్యాపార సూత్రంగా మారింది. తీస్‌మార్‌ఖాన్ చిత్రంలో విషయం ఏమీలేకపోయిన అందులోని ‘షీలా కీ జవానీ’ ఐటమ్‌సాంగ్ నిర్మాతలకు కాసుల వర్షం కురిపించింది. తాజాగా ‘అగ్నిపథ్’ చిత్రంలో కూడా ‘చికినీ ఛమేలీ’ పాటతో కుర్రకారుని ఉర్రూతలూపింది కత్రినా కైఫ్. అయితే ఇకనుంచి ఐటమ్‌సాంగ్స్‌లో ఏ మాత్రం నర్తించబోయని ఇటీవలే తేల్చిచెప్పింది ఈ ముద్దుగుమ్మ. ఇలాగే ఐటమ్‌సాంగ్స్ చేస్తూ పోతుంటే తనలోని నటి కనుమరుగయ్యే ప్రమాదం వుందని తెలుసుకున్నానని చెబుతోంది కత్రినా. ఆమె మాట్లాడుతూ ‘చక్కటి శరీరాకృతి, కొంచెం గ్లామర్ వున్నవావరైనా ఐటమ్‌సాంగ్స్‌లో నర్తించవచ్చు.

అందులో పెద్ద విశేషమేమీలేదు. ఐటమ్ గర్ల్ అని ఒక్కసారి ముద్ర పడ్డాక అందులో నుంచి బయటకు రాడం చాలా కష్టం. ఐటమ్‌సాంగ్స్ చేసి అలసిపోయాను.అందుకే ఇక నుంచి ఐటమ్ సాంగ్స్ ఎట్టి పరిస్థితుల్లోనూ చేయకూడదని నిర్ణయించుకున్నాను’ అని చెప్పింది. ఐటమ్‌సాంగ్స్‌లో కత్రినా అందాల్ని ఆస్వాదించాలనుకునే అభిమానులందరికీ నిజంగా ఇది చేదువార్తే అని బాలీవుడ్ వర్గాలు చెబుతున్నాయి.