Posted: 12/13/2011 02:12 PM IST

అందాలభామ భూమిక కథానాయికగా ఈమధ్య సరైన అవకాశాలులేక వెనకబడింది. ఆ మధ్య అనసూయ, అమరావతి, మల్లె పువ్వు, కలెక్టర్ గారి భార్య వంటి లేడి ఓరియెంటెడ్ చిత్రాల్లో నటించిన ఈ ముద్దుగుమ్మ త్వరలో మరో లేడీ ఓరియెంటెడ్ చిత్రంతో ప్రేక్షకుల ముందుకు రానుందని తెలుస్తోంది. ‘సీతమ్మ తల్లి’ అనే టైటిల్‌తో తెరకెక్కనున్న ఈ చిత్రానికి ప్రముఖ హాస్య నటుడు ఏవీఎస్ దర్శకత్వం వహించనున్నాడు. ఇటీవల ఏవీఎస్ ‘కోతిమూక’ చిత్రానికి దర్శకత్వం వహించిన విషయం తెలిసిందే. ఇప్పటి వరకు కామెడీ ఎంటర్‌టైనర్‌లని తెరకెక్కించిన ఆయన తొలిసారిగా భూమికతో ‘సీతమ్మ తల్లి’ పేరుతో ఓ లేడీ ఓరియెంటెడ్ మూవీని రూపొందిస్తుండటం విశేషం. ఈ చిత్రం త్వరలో సెట్స్‌పైకి వెళ్లనుందని, ఈ చిత్రానికి సంబంధించిన మరిన్ని వివరాలు త్వరలో ప్రకటించనున్నారని సమాచారం.