తెలుగు అందం పనికిరాదా..?

Posted: 05/12/2013 04:04 PM IST

నటుడు, దర్శకుడు అల్లరి రవిబాబు తెలుగు తెరకు పరిచయం చేసిన అచ్చమైన తెలుగుదనం ఉట్టిపడే అందం శ్రీ దివ్య సొంతం. ‘మనసారా ’ టాలీవుడ్ లోకి అడుగుపెట్టినప్పటికి శ్రీదివ్య ఇంక ‘బస్ స్టాప్ ’ లోనే మంచి అవకాశం కోసం ఎదురు చూస్తుంది. ఈ తెలుగు అందం మన తెలుగు దర్శకులకు నచ్చటం లేదని విమర్శలు వినిపిస్తున్నాయి. గతంలో స్టార్ హీరోయిన్ అంజలిని మన టాలీవుడ్ దర్వకులు, నిర్మాతలు, హీరోలకు నచ్చలేదు. అంజలి టాలెంట్ ఏమిటో మన వాళ్లు గుర్తించలేదు. అంజలిలోన టాలెంట్ ను తమిళ తంభిలు గుర్తించి, మంచి అవకావశాలు ఇచ్చి, ఆమె టాలెంట్ ను పిండుకున్నకా, అప్పుడు మనవాళ్లు గుర్తించి టాలీవుడ్ సీతమ్మగా మళ్లీ పరిచయం చేశారు. శ్రీదివ్య పరిస్థితి కూడా ఇలా ఉందని ఆమె అభిమానులు అంటున్నారు.

ఇప్పుడు ఈ తెలుగు అందం, తమిళ్ , మళయాలం పై వెండితెరపై వెలుగుతుంది. మన తెలుగు అందం అక్కడ కాసులు కురిపిస్తుంది. మనవాళ్లు మాత్రం బొంబాయి బాతులు వెంటపడి, తెలుగు అందాన్ని కోల్పోతున్నారు. తెలుగు తెరపై శ్రీదివ్య మరోసారి తన అద్రుష్టాన్ని పరిక్షీంచుకోవాటానికి ‘మల్లెల తీరంలో సిరిమల్లె పువ్వు ’ సినిమాలో నటిస్తోంది. ఈ సిరిమల్లె పువ్వును తెలుగు దర్శకులు, నిర్మాతలు , హీరోలు గుర్తిస్తారో లేదో చూడాలి. తెలుగు సినిమా ప్రేక్షకులు మాత్రం ఎప్పుడో శ్రీదివ్యను ఆదరించారు. సాహిత్యం విలువలున్న సినిమాతో మన ముందుకు వస్తున్న శ్రీదివ్యకు ముందు ముందు మరిన్ని చిత్రాలు రావాలని తెలుగు ప్రజలు కోరుకుంటున్నారు.