Posted: 02/19/2013 06:52 PM IST

పాపం పసివాడు (అతనొక పులి బిడ్డ)  అతని తండ్రి  ఒక లంకను గడగడలాడించారు.  అయితే చివరకు వారు సైన్యంతో  దొంగ దెబ్బ తీసి  అతని తండ్రి చంపేశారు.  కానీ అంతటితో  వారు ఆగలేదు.  యుద్దం భూమిలో  పసిపిల్లలను, స్త్రీలను  చంపరాదు అనే షరతూ  మన భారతీయలకు ఉన్న విషయం తెలిసిందే. కానీ శ్రీలంక ప్రభుత్వం తన సైన్యంతో  కిరాతకమైన పనులు చేసినట్లు తెలుస్తోంది. శ్రీలంక సైన్యం అకృత్యాలపై చానెల్ 4 డాక్యుమెంటరీ  ఎల్టీటీఈతో పోరు సందర్భంగా శ్రీలంక సాగించిన యుద్ధ నేరాలను తెలిపే ఓ సంచలన వీడియోను బ్రిటన్'కు చెందిన ఓ చానెల్ బయటపెట్టింది. నడుం వరకు తెగిపోయి, ఛాతిలో ఐదు బుల్లెట్ గాయాలతో భయానకంగా ఉన్న ఓ బాలుడి మృతదేహాన్ని చూపిస్తూ.. అది ఎల్టీటీఈ చీఫ్ వేలుపిళ్లై ప్రభాకరన్ కుమారుడు బాలచంద్రన్ (12) మృతదేహమని, ఎల్టీటీఈతో యుద్ధం సందర్భంగా శ్రీలంక సైన్యం అతన్ని దారుణంగా హత్య చేసిందని చానెల్ 4 తెలిపింది.

ఈ వీడియో ప్రపంచవ్యాప్తంగా సంచలనం సృష్టిస్తోంది. ఎల్టీటీఈ, శ్రీలంక మధ్య జరిగిన యుద్ధంపై దర్యాప్తును కోరుతూ ఐక్యరాజ్యసమితి మానవ హక్కుల మండలిలో ఆమెరికా తీర్మానం ప్రవేశపెట్టిన నేపథ్యంలో ఈ వీడియో వెలుగులోకి రావడం గమనార్హం. బ్రిటన్ మీడియా విడుదల చేసిన వీడియో కల్పితమైనదని శ్రీలంక రాయబారి ప్రసాద కరియవాసం కొట్టిపారేశారు. బాలచంద్రన్ మృతిపై బ్రిటన్ చానెల్ ప్రసారం చేస్తున్న వీడియో దుష్ప్రచారం కోసం సృష్టించిందేనని శ్రీలంక సైన్యం ఆరోపించింది.

యుద్ధ నేరాలకు పాల్పడిన లంక సైనికులపై చర్యలు తీసుకోవాలని కోరుతూ ఐక్యరాజ్య సమితిలో తీర్మానం ప్రవేశపెట్టి నిందతులపై చర్యకు అమెరికా పట్టుబడుతున్న తరుణంలో యుఎస్‌ ఆరోపణలను రుజువుచేసే దిశలో వీడియో దృశ్యాలు వుండటం గమనార్హం. మానవహక్కుల ఉల్లంఘన ఆరోపణలు ఎదుర్కొంటున్న శ్రీలంకకు అండగా నిలిచి పోరాడతామని విదేశాంగ మంత్రి ఎస్‌ఎం కృష్ణ, యుఎన్‌ వ్యవహారాలను పర్యవేక్షించే ఇతర అధికారులు ఇటీవల సూచన ప్రాయంగా వెల్లడించిన విషయం విదితమే. ఈ నేపథ్యంలో లంక సైనికుల దారుణ కృత్యాలను రుజువుచేసే సాక్ష్యాలు వెల్లడికావడం భారత్‌కు ఇబ్బందికరంగా మారింది.