Posted: 02/11/2013 06:27 PM IST

కాంగ్రెస్ పార్టీ అధినేత్రి సోనియా గాంధీకి అనుకోని అవమానం జరిగింది.  సోనియా గాంధీని  మహా కుంభమేళాకు రావద్దని  ఒక ముఖ్యమంత్రి స్వయంగా చెప్పటం చాలా ఆశ్చర్యంగా ఉందని రాజకీయ నాయకులు అంటున్నారు. సోనియా గాంధీ  మహాకుంభమేళా పర్యటన కోసం అన్ని సిద్దమైన సమయంలో   ఒక ముఖ్యమంత్రి అడ్డుకోవటం పై అనేక అనుమానాలు వస్తున్నాయి. ఉత్తరప్రదేశ్ ముఖ్యమంత్రి  అఖిలేష్ యాదవ్  సోనియా గాంధీకి పర్మిషన్ ఇవ్వలేదనే పుకార్లు కాంగ్రెస్ పార్టీలో షికార్లు చేస్తున్నాయి.  అయితే ఈ పుకార్లను  కాంగ్రెస్ పార్టీ సీనియర్ నాయకులు కొట్టిపారేస్తున్నారు. సోనియా గాంధీ మహాకుంభమేళ పర్యటను రద్దు కావటం వెనుక  ముఖ్యమంత్రి  అఖిలేష్ యాదవ్  హస్తం లేదని  వారు అంటున్నారు.  కాంగ్రెస్ నాయకులు మాత్రం సోనియా పర్యటన రద్దు వెనుక   కారణం  అనారోగ్యం  అని చెబుతున్నారు.  అంతేకాకుండా  ఈనెల 14 న త్రిపుర  అసెంబ్లీ  ఎన్నికలు   జరగనున్నాయి  నేపథ్యంలో   ఆమె ఈ నిర్ణయం తీసుకున్నట్లు కాంగ్రెస్ నాయకులు  అంటున్నారు.  కొంత మంది నాయకులు మాత్రం  సమాజ్ వాదీ  పార్టీ  ప్రభుత్వం  సోనియా పర్యటను అడ్డుకున్నట్లు గుసగుసలాడుకుంటున్నారు.

 అఖిలేష్ యాదవ్ నుంచి  సహకారం  లేకపోవడం వల్లే  సోనియా పర్యటన  రద్దయిందని  కాంగ్రెస్ పార్టీ సీనియర్ నాయకుడు చెబుతున్నారు.  సోనియా పర్యటన వలన  అధిక మొత్తంలో  ధనం ఖర్చు అవుతుందని, అంతేకాకుండా తగిన భద్రత కల్పించలేమని  అఖిలేష్ ప్రభుత్వం చెప్పినట్లు  కాంగ్రెస్ పార్టీ  కీలక నాయకుడు ఒకరు సమాచారం  ఇచ్చినట్లు తెలుస్తోంది. సోనియా గాంధీకే కాకుండా గుజరాత్ ముఖ్యమంత్రి నరేంద్ర మోడీ పర్యటనకు  అఖిలేష్ సర్కార్  షాకిచ్చినట్లు సమాచారం.  మొత్తం మీద  కీలక నేతలకు సమాజ్ వాదీ పార్టీ నేత అభిలేష్ యాదవ్ భద్రత కల్పించలేకపోవటంపై అనేక విమర్శలు  వినిపిస్తున్నాయి.  కుంభమేళ నిధులను  సొంత పార్టీ  ప్రచారానికే  ఉపయోగించారనే విమర్శలు  ప్రజల మద్య వినిపిస్తున్నాయి.  దీనిని ద్రుష్టిలో పెట్టుకొని  అభిలేష్ యాదవ్  ఇలా చేసినట్లు  రాజకీయ విశ్లేషకులు అంటున్నారు.