Posted: 11/14/2012 06:09 PM IST

టాలీవుడ్ మన్మథుడు అక్కినేని నాగార్జున సినీ కెరీర్ లో ఎదుర్కోనటువంటి ఇబ్బందులను ఆయన తాజాగా నటించిన ‘ఢమరుకం ’ సినిమా ద్వారా ఎదుర్కొంటున్నాడనే విషయం తెలిసిందే. ఆయన నటించిన ‘ఢమరుకం ’ సినిమా గత కొన్ని నెలల నుండి ఇదిగో అదిగో అంటూ ఊరిస్తూ వస్తున్న విషయం తెలిసిందే. ఇప్పటికే మూడు సార్లు వాయిదా పడిన ఈ సినిమాకి ఆర్థిక కష్టాలే కారణం అనేది బహిరంగ సత్యం. కానీ ఎట్టకేలకు ఢమరుకం సినిమా విడుదల తేదీని ఖరారు చేసినట్లు వార్తలు. ఈ సినిమాని నవంబర్ 23న విడుదల చేయనున్నారని సమాచారం. ఇన్ని రోజులు నిర్మాతలు ఆలస్యం చేయడంతో వాయిదా పడ్డ దీనిని నాగార్జున టేకోవర్ చేసినట్లు వార్తలు. దీనికి సంబంధించిన ఆర్థిక కష్టాలకు నాగార్జున భరోసా ఇచ్చాడని, ఈ సారి మాత్రం విడుదల వాయిదా పడదని అంటున్నారు. మొన్న విడుదల తేదీని ప్రకటించి, తీరా సమయానికి విడుదల చేయకుండా అభిమానులకు ఆగ్రహం తెప్పించడంతో ఇటు నాగ్ ఇమేజ్ డ్యామేజ్ కావడంతో ఈసారి నాగ్ సీరియస్ గా తీసుకొని విడుదల చేయడానికి సిద్ధం అయ్యాడని అంటున్నారు. మొన్న విడుదల రోజు నానా రభస జరగడంతో రంగంలోకి నాగార్జున దిగి అభిమానులను శాంతింప జేశాడు. మరోసారి కూడా అలా జరిగితే.... ఈ సినిమాకి ఇక దేవుడే దిక్కుని అంటున్నారు సినీ జనాలు. మరి నాగార్జున ఏం చేస్తాడో చూడాలి.