Posted: 11/15/2012 07:25 PM IST

రాజకీయాల్లో నాయకుల మధ్య విభేదాలు ఉండంటం సహజం. కానీ ఒకే పార్టీకి, ఒకే జిల్లాకు చెందిన నాయకుల మధ్య విభేధాలు ఉండటం అంటే కాస్త ఇబ్బందికర విషయమే. ఇప్పుడు నల్గొండ జిల్లా కాంగ్రెస్ పార్టీకి చెందిన మాజీ మంత్రి పాల్వాయి గోవర్థన్ కి, అదే జిల్లాకు చెందిన కోమటిరెడ్డి సోదరులకు మధ్య విభేదాలు స్థారా స్థాయికి చేరి వారిద్దరి మధ్య పచ్చగడ్డి వేస్తే భగ్గుమంటుంది. పాల్వాయి గోవర్థన్ కోమటి రెడ్డి సోదరుల మీద అవకాశం దొరికినప్పుడల్లా ఘాటు విమర్శలు చేస్తారు. తాజా ఆయన కోమటిరెడ్డి సోదరుల మీద వ్యాఖ్యలు చేస్తూ, తెలంగాణ ఉద్యమాన్ని అడ్డం పెట్టుకొని కోట్లు దండుకున్నారని ఆరోపించారు. గోవర్ధనరెడ్డి గతంలో కూడా కోమటిరెడ్డి సోదరులను పార్టీ నుంచి బహిష్కరించాలని డిమాండ్ చేశారు. మరి పాల్వాయి గోవర్థన్ ఈ రెడ్డి సోదరుల మీద అంత కసి ఎందుకట అంటే... నల్లొండ జిల్లా రాజకీయాలే కారణం అంటున్నారు. అయినా ఏ రాజకీయ నాయకుడు అవినీతికి పాల్పడకుండా ఉంటున్నాడు చెప్పండి. ఒక్క కోమటి రెడ్డి సోదరులే అవినీతికి పాల్పడ్డారని అనడం పాల్వాయికి సమంజసం కాదేమో. ఒకవేళ ఆయన ఆయన నిజాయితీగా ఉంటే, మిగతా వారి పైనా కూడా ఇలాంటి వ్యాఖ్యలు చేస్తే బాగుంటుంది. కానీ వీరిద్దరినే టార్గెట్ చేయడంతో ఇది రాజకీయ కుట్రే అని అంటున్నారు విశ్లేషకులు. కోమటిరెడ్డి సోదరులు మాత్రం పాల్వాయి విమర్శలకు ఎప్పుడూ సమాధానం చెప్పినట్లు కనబడరు. ఈయన మాటలకు విలువ ఇవ్వనవసరం లేదని వారు భావిస్తుంటారు. వారి ద్రుష్టిలో పాల్వాయి గోవర్థన్ మాటలకు అర్థం లేదని వారు భావించి వివరణ ఇవ్వడం లేదా ? లేక ఎదురు దాడి చేస్తే ఇంకేమైనా విషయాలు బయటపడతాయని వారు భయపడుతున్నారో కానీ వీరిద్దరి మధ్య వైరం రోజు రోజుకు పెరిగిపోతుంది.