Posted: 09/14/2012 04:31 PM IST

ఆయన పెద్దాయన  ఇటీవల  తన పార్టీని తన కొడుకు చేతిలో పెట్టిన విషయం తెలిసిందే. విశ్రాంతి తీసుకుంటున్న ఆయనకు ఇప్పుడు ప్రధాని మంత్రి పదవి పై కన్నుపడింది. అందరు అడుతున్నారు నేను ఒక రాయి వేస్తే  తప్పేంటీ? అనుకున్నాడో ఏమో  తెలియాదు గానీ  మీద తన మనసులో మాటను  బయట పెట్టాడు ములాయం సింగ్ యాదవ్. 2014 లోక్‌సభ ఎన్నికల తర్వాత ప్రధాన మంత్రి కావాలనుకుంటున్నట్లు సమాజ్‌వాదీ పార్టీ అధినేత ములాయం సింగ్‌ యాదవ్‌  అంటున్నారు. రెండు రోజులపాటు ఇక్కడ జరిగిన పార్టీ జాతీయ కార్యవర్గ సమావేశాల ముగింపు సందర్భంగా ఆయన ప్రసంగిస్తూ మనసులోని మాటను బయటపెట్టినట్లు తెలుస్తోంది. తనను ప్రధాని అభ్యర్థిగా ప్రకటించకుండా పార్టీ ఎన్నికల్లో పోటీ చేయదని, అలాగని ప్రధాని పదవిని ఆశించకుండా పార్టీ తనను అడ్డుకోదని అంటున్నారు. తృతీయ కూటమిపై మాట్లాడుతూ అది ఎన్నికల తర్వాత రూపుదిద్దుకునే అంశమని, బలాబలాలపై అది ఆధారపడి ఉంటుందని ఆయన చెబుతున్నారు.

ఏదేమైనా 2014 లోక్‌సభ ఎన్నికల్లో ఉత్తరప్రదేశ్‌తోపాటు ఇతర రాష్ట్రాల్లోనూ తాము ఏ పార్టీతోనూ పొత్తు పెట్టుకోబోమని, ఒంటరిగానే పోటీ చేస్తామని ములాయం సింగ్‌ గట్టిగా చెబుతున్నాడు. ఎలాంటి పరిస్థితి ఏర్పడుతుందో చూడాలని వ్యాఖ్యానించారు. తృతీయ కూటమిలో వామపక్షాలా లేదా మమతా బెనర్జీ భాగస్వామిగా ఉంటుందా అన్న ప్రశ్నకు ములాయం సూటిగా సమాధానం చెప్పలేదని మీడియా వర్గాలు అంటున్నాయి . ఈ విషయంపై ఇప్పుడే తాను చెప్పలేనని, అన్ని పార్టీలతో తాము సత్సంబంధాలు కలిగి ఉన్నామని చెబుతూ  అసలు విషయాన్ని చెప్పకుండా దాటవేశాడు. కేంద్రంలో మధ్యంతర ఎన్నికలు వస్తాయని తాను కచ్చితంగా చెప్పలేనని, ఇది కాంగ్రెస్‌పై ఆధారపడి ఉంటుందని ములాయం సింగ్ యాదవ్ జోస్యం చెబుతున్నాడు.