Posted: 09/08/2012 06:42 PM IST

మెగా స్టార్ చిరంజీవి ఇప్పుడు కాంగ్రెస్ పార్టీ లో మెగా స్టార్ గా ఎదుగుతున్నాడు. సీనియర్లు సైతం ఎంపీ చిరంజీవి ముందు చిన్నబోతున్నారు.  కాంగ్రెస్ నాయకులు  ఎలాంటి వారు అందరికి తెలిసిందే. అయితే  చిరంజీవి తన మనసు మాటలను నిర్భయంగా చెప్పేస్తాడని కాంగ్రెస్ నాయకులకు బాగా అర్థమైంది.  అసలు కాంగ్రెస్ పార్టీలో  సమన్వయ లోపం , స్తబ్ధత  ఉందని  ఆ పార్టీ  ఎంపీ చిరంజీవి అంటున్నారు.  ఆయన కాంగ్రెస్ మేధోమథనం సదస్సులో  పాల్గొన్న  సందర్భంగా  కార్యకర్తల్లో  స్పూర్తి నింపాలని  చిరంజీవి చెప్పినట్లు తెలుస్తోంది.  అంతేకాకుండా   సీనియర్ కాంగ్రెస్ నాయకుడు, రాజ్యసభ సభ్యుడు వి.హనుమంతరావు మేధోమదన సదస్సుకు మెగాస్టార్ , రాజ్యసభ సభ్యుడు చిరంజీవి హాజరవడంతో కాస్త పరువు దక్కిందని  కాంగ్రెస్ నాయకులు అంటున్నారు. కెవిపి రామచంద్రరావు ఢిల్లీలో ఏర్పాటు చేసిన వై.ఎస్.డైరీ ఆవిష్కరణకు కూడా హాజరైన చిరంజీవి ఈ కార్యక్రమానికి కూడా రావడం విశేషం.

ఈ సందర్భంగా జగన్ పై పరోక్ష విమర్శలు కురిపించారు. లక్షలు,కోట్లు దోచుకుని, పార్టీని , ప్రభుత్వాన్ని పడగొడతామంటుంటే ఎలా ఊరుకుంటామని, కాంగ్రెస్ శ్రేణులంతా చైతన్యం అయి ఎదుర్కుంటామని చిరంజీవి అన్నారు. గతంలోని పధకాలు ఇప్పుడు కూడా అమలు జరుగుతున్నాయని , ఇంకా మెరుగ్గా కూడా చేస్తున్నారని ఆయన చెప్పారు.కాంగ్రెస్ వల్ల లబ్ది పొందినవారే ఇప్పుడు దానిని నాశనం చేయాలని చూస్తున్నారని అన్నారు. సోనియాగాంధీ దయ వల్ల పెరిగినవారే అనుచితంగా వ్యవహరిస్తున్నారని చిరంజీవి అన్నారు. బిసిలకు న్యాయం చేస్తున్నది కాంగ్రెస్ పార్టీనేనని చిరంజీవి స్పష్టం చేశారు.కాంగ్రెస్ కష్టకాలంలో ఉన్నప్పుడు ఇలాంటి సదస్సులు జరగడం ముదావహం అని ఆయన అన్నారు.కోల్ గేట్ విషయంలో చర్చలకు సిద్దమని చెప్పినా బిజెపి ముందుకు రావడం లేదని ఆయన అన్నారు. ఏది ఏమైనా వి.హెచ్. పరువు ను చిరంజీవి కొంతమేర కాపాడారని చెప్పాలి.