Posted: 09/02/2012 06:56 PM IST

       తమ హయాంలో జీవోలు విడుదల చేసి డెల్టా రైతులకు నష్టం కలిగించిన వారే ఇప్పుడు ధర్నాలు, రాస్తారోకోలతో రహదారుల మీదకు వస్తున్నారని విజయవాడ ఎంపీ లగడపాటి రాజగోపాల్ ఆగ్రహం వ్యక్తం చేశారు. నాగార్జున సాగర్ డ్యాంలో కనీస నీటిమట్టం ఇంత ఉండాలని టీడీపీ హయాంలో జీవో విడుదల చేశారని మండిపడ్డారు. ఇటు రాయలసీమలో కూడా టీడీపీ నేతలు కృష్ణా డెల్టాకు నీటి విడుదల ఆపాలని ధర్నాలు, రాస్తారోకోలు చేస్తున్నారని ఆగ్రహం వ్యక్తం చేశారు. ఇంకా ఏమన్నారంటే.. ‘‘కృష్ణా డెల్టా రైతాంగానికి గొడ్డలి పెట్టువంటి ఉత్తర్వు 69ను జారీ చేసిన తెలుగుదేశం పార్టీపై ప్రజలు తిరగబడే రోజొస్తుంది. ఆగస్టు 27 నుంచి నిరంతరాయంగా కృష్ణా డెల్టాకు సాగునీటి సరఫరా జరుగుతోంది. కృష్ణా డెల్టాకు నీరొస్తున్నా టీడీపీ నేతలు స్వార్ధ రాజకీయాలకోసం రాస్తారోకోలు, ధర్నాల పేరిట ఇబ్బందులకు గురిచేస్తున్నారు. వారు చేస్తున్న నిరసన కార్యక్రమాల్లో పార్టీ కార్యకర్తలు తప్ప రైతులు ఎక్కడా లేరు. టీడీపీ పార్టీ తన పద్దతులు మార్చుకోవాలి ’’ అన్నారు.

...avnk