Posted: 08/30/2012 05:10 PM IST

వయసుతో పాటే .. అందం కూడా తగ్గుతుంది. కానీ  ఈమెకు వయసు పెరుగుతున్న కొద్ది .. అందం పెరిగిపోతుంది. తమ అందాలను  వెండితెరపై చూపించాలని  తహతహలాడుతుంది ఈ థర్టీ ప్లస్ ఆంటి. ఇంక పెళ్లి కాలేదు గానీ .. కొత్త హీరోయిన్ మాదిరే తన ముదురు అందాలను  కెమేరా ముందుకు తెలుస్తోంది. గతంలో .. లేడి అమితాబచ్చన్  విజయశాంతి బాటలో శ్రియా నడుస్తున్నట్లు తెలుస్తోంది.  అంటే రాములమ్మ లాంటి క్యరెక్టర్ కాదులేండి పాపం.  విజయశాంతి పోలీస్ గా నటించిన  కర్తవ్యం లాంటి యాక్షన్ సినిమాలు శ్రియా చేయటానికి సిద్దమైనట్లు తెలుస్తోంది. ఇక శ్రీయ పనైపోయింది’’ అని ఎవరికి వారు ఫిక్స్ అవుతున్న తరుణంలో ఆమె మంచి పాత్రలను దక్కించుకుంటూ వారి అభిప్రాయం తప్పని నిరూపిస్తున్నారు. ప్రస్తుతం శేఖర్ కమ్ముల దర్శకత్వం వహిస్తున్న ‘లైఫ్ ఈజ్ బ్యూటిఫుల్’ మంచి చాన్స్ కొట్టేసి, చాలామందిని ఆశ్చర్యపరిచారామె. అలాగే కన్నడ, తమిళ భాషల్లో రూపొందుతున్న ‘చంద్ర’ చిత్రంలో యువరాణి పాత్ర చేస్తున్నారు శ్రీయ. ఇది కథానాయిక ప్రాధాన్యంగా సాగే చిత్రం. ఇటీవల హిందీలో జిమ్మీ షెర్గిల్ సరసన ఓ చిత్రంలో నటించడానికి అంగీకరించారు. గ్రామీణ నేపథ్యంలో సాగే ఈ చిత్రంలో శ్రీయ పల్లెటూరి పడుచుపిల్లగా కనిపించబోతున్నారు.

ప్రస్తుతం చేస్తున్న పాత్రలన్నీ ఒకదానికి ఒకటి పొంతన లేనివి కావడం, క్రేజీ చిత్రాలే కావడంతో శ్రీయ ఆనందంగా ఉన్నారు. ముఖ్యంగా ‘చంద్ర’ చిత్రంలోని యువరాణి పాత్ర కోసం చాలా కసరత్తులు చేస్తున్నారామె.ఈ సినిమా కోసం కేరళకు చెందిన ప్రాచీన యుద్ధకళ అయిన ‘కలరి’ అనే మార్షల్ ఆర్ట్ నేర్చుకున్నారు శ్రీయ. దాదాపు రెండు నెలల పాటు కలరి క్లాసులకు వెళ్లి, చాలా శ్రద్ధగా నేర్చుకున్నారట. ఇటీవల శ్రీయ పాల్గొనగా ఆ ఆర్ట్‌కి సంబంధించిన ఫైట్ చిత్రీకరించారు. ఈ సుకుమారి ధైర్యసాహసాలతో చేసిన ఈ ఫైట్ చూసి యూనిట్ సభ్యులు నివ్వెరపోయారట. శ్రీయలోని మరో కోణాన్ని వెలికి తీసుకువచ్చే చిత్రం ఇది అని వారు అంటున్నారు. లేడీ డెరైక్టర్ రూపా అయ్యర్ దర్శకత్వంలో రూపొందుతున్న చిత్రం ఇది.