Posted: 07/17/2012 06:02 PM IST

ఇందిరమ్మ బాటలో  సిఎం కిరణ్ కుమార్ రెడ్డి  సెంటిమెంట్ తో చేస్తున్నాడని  కాంగ్రెస్ నాయకులు అంటున్నారు.   ముఖ్యమంత్రి కి సెంటిమెంటు పై బాగా నమ్మకం ఉందని  కాంగ్రెస్ నాయకులు అంటున్నారు. ముఖ్యమంత్రి కూడా సెంటిమెంటును ప్రయోగించడానికి ప్రయత్నిస్తున్నారట. తూర్పు గోదావరి జిల్లాలో ఎవరు గెలిస్తే, అది రాష్ట్రం అంతటికి మోడల్ అవుతుందని, దానిని రాష్ట్రం అనుసరిస్తుందని ముఖ్యమంత్రి కిరణ్ కుమార్ రెడ్డి చెబుతున్నారు. తూర్పుగోదావరి జిల్లాలో పర్యటిస్తున్న ఆయన రామచంద్రపురంలో కాంగ్రెస్ గెలుపును దృష్టిలో ఉంచుకుని ఆయన ఈ వ్యాఖ్యలు చేసినట్లు కాంగ్రెస్ నాయకులు అంటున్నారు. కాగా నామినేటెడ్ పదవుల భర్తీకి చర్యలు తీసుకుంటున్నామని, నెల రోజులలో అన్ని పదవులు కేటాయిస్తామని సిఎం చెప్పినట్లు తెలుస్తోంది. కాగా గత ఉప ఎన్నికలలో పశ్చిమగోదావరి, తూర్పు గోదావరి జిల్లాలలో రెండు చోట్ల గెలుపొందిన మాట నిజమే.కాని మిగిలిన రాష్ట్రంలో ఎక్కడా కాంగ్రెస్ గెలవలేదు. 1982లో టిడిపి ఆవిర్భావం తర్వాత రాష్ట్రంలో అత్యదిక నియోజకవర్గాలు ఉన్న జిల్లాగా అక్కడ ఏ పార్టీ ఎక్కువ స్థానాలుగెలుచుకుంటే ఆ పార్టీ అధికారంలోకి వచ్చిన మాట నిజమే. కాని అది సాదారణ ఎన్నికలలో జరిగింది. ఉప ఎన్నికలలో కూడా గెలిస్తే అదే సెంటిమెంటు వర్కవుట్ అవుతుందా అన్నది చూడాలి. అయితే సి.ఎమ్. సెంటిమెంట్ ప్రయోగించడం వ్యూహాత్మకమే.