Posted: 07/11/2012 05:05 PM IST

నందమూరి నటసింహంగా టాలీవుడ్ లో ఆ తరం కథానాయకుల జాబితాలో అగ్రస్థానంలో కొనసాగుతున్న హీరో బాలక్రిష్ణ. ఇప్పటికీ బాలయ్య కుర్రకారును ఉర్రూతలూగించే సినిమాలు చేస్తూ అభిమానులను అలరిస్తున్నాడు. ఆ విషయం ప్రక్కనబెడితే... బాలయ్యకి ఇద్దరు కుమార్తెలు, ఒక కుమారుడు. పెద్ద కుమార్తెను తెలుగు దేశం పార్టీ అధినేత, స్వయాన బావ అయిన చంద్రబాబు కొడుకు లోకేష్ కి ఇచ్చి పెళ్ళి చేశాడు. ఇక రెండో కుమార్తె వివాహం చేయాలనే ఆలోచనలో బాలక్రిష్ణ ఉన్నాడని సమాచారం. పెద్ద కూతురు విషయంలో పెద్దగా ఆలోచించకుండానే అయిపోయింది. కానీ రెండో కూతుర్ని ఎవరి ఇచ్చి చేయాలి ? ఎవరిని అల్లుడిగా తెచ్చుకుంటే బాగుంటుంది?  సినిమా రంగానికి చెందిన వారితోనా ? లేక పారిశ్రామిక రంగానికి చెందిన వారితో వియ్యం అందుకోవాలా ? అని బాలక్రిష్ణ ఆలోచిస్తున్నాడట.

ఫిలిం నగర్ న్యూస్ ప్రకారం బాలయ్య క్రిష్ణ సినిమా రంగానికి చెందిన వారితో వియ్యం అందుకోవడానికి, అదీ పెద్ద పెద్ద హీరోల కుటుంబానికి చెందిన వారితోనే సంబంధం కలుపుకోవాలని చూస్తున్నాడట. బాలయ్య టాలీవుడ్ లో మెహన్ బాబు కుటుంబంతో గానీ, రామానాయుడు కుటుంబంతోగానీ వియ్యమొందాలనే ఆలోచనలో ఉన్నట్లు తెలుస్తోంది. మోహన్ బాబు తనయుడు మనోజ్, రామానాయుడు మనవడు రాణా పట్ల బాలయ్య సుముఖంగా ఉన్నట్లు తెలుస్తోంది. మరో వైపు సురేష్ బాబు కూడా బాలయ్యతో వియ్యమొందడానికి ఆసక్తిచూపుతున్నట్లు వార్తలు వినిపిస్తున్నాయి.  మనోజ్, రాణాలలో తేజస్విని ఎవరిని ఇష్టపడుతుందో చూడాలని సినీ జనాలు అనుకుంటున్నారు.