Posted: 07/11/2012 04:54 PM IST

ప్రస్తుతం తెలుగు తెరపై అత్యంత క్రేజీ యాక్ట్రెస్ గా ఉన్న సమంత త్వరలో తెరకు దూరం కానుందా? విపరీతమైన ఫాలోయింగ్ ను సంపాదించిన ఈమె వీటన్నటినీ వదిలి తెరమరుగు అవుతుందా...? అవుననే అంటూ ఈ విషయాన్ని స్వయంగా ప్రకటించింది ఈ మళయాళీ బ్యూటీ. తను మరో మూడేళ్ల పాటే సినిమాల్లో కనిపిస్తానని సమంతా తేల్చేసింది. ఆ తర్వాత నటకు దూరం అవుతునానని తన ట్విటర్ అకౌంట్ లో ప్రకటించింది ఈమె. 'నిజంగానే.. మూడేళ్లలో పరిశ్రమ నుంచి తప్పుకోవాలనుకుంటున్నాను' అంటూ సమంత ట్వీట్ ఇచ్చింది.

'ఏ మాయ చేసావే' చిత్రంతో తెలుగు చిత్రసీమలో తెరంగేట్రం చేసిన ఈ ముద్దుగుమ్మ అనతికాలంలోనే తారాపథంలో శిఖరాగ్రానికి దూసుకుపోయింది. ఈ ఏడాది సమంతాకు పలు భారీ సినిమాల్లో ఆఫర్లు వెల్లు ప్రస్తుతం ఈమె చేతిలో తెలుగు, తమిళ, హిందీ భాషల్లో మొత్తం ఏడు సినిమాలు ఉన్నాయి. డేట్స్ సమస్యల కారణంగా ఈ మధ్యే శంకర్ రూపొందించనున్న 'ఐ' మణిరత్నం 'కడలి' చిత్రాల నుంచి తప్పుకుందని తెలుస్తోంది. అయితే తాజా ప్రకటనతో మూడేళ్ల తర్వాత సినిమాల నుంచి తప్పుకుంటానన్న సమంత మాటల గురించి పూర్తి విరవరణ ఆమె నుంచీనే వెలువడాల్సి ఉంది.