Posted: 06/27/2012 05:52 PM IST

రాష్ట్రపతి ఎన్నికల్లో ప్రణబ్  విజయం దాదాపు ఖాయమని  తేలడంతో.. ఏపీపై సోనియా  మనసు పెట్టారు. ఇప్పటికే  సీఎం, పీసీసీల నివేదికలు తెప్పించుకున్న మేడమ్ తాజాగా గవర్నర్ నుంచి సమాచారాన్ని  సేకరించారు.  కాంగ్రెస్ కీలకమైన రాష్ట్రాల్లో ఆంధ్రప్రదేశ్ ఒకటి.   అంతర్గత కుమ్ములాటలతో వున్న  ఏపీని   చక్కదిద్దే పనిలో నిమగ్నమైంది హైకమాండ్ . అడిగిందే తడవుగా  ఏపీ కాంగ్రెస్  నేతలకు అపాయింట్ మెంట్  ఇస్తున్నారట.  మేడమ్ దర్శనం టక్కున దొరుకుతోందని తెలిసిన రాష్ట్ర నేతలు టెన్ జన్ పథ్  ముందు లైన్ కడుతున్నారట.  రాష్ట్ర గవర్నర్  నరసింహన్  కూడా సోనియా  నివాసానికి  వచ్చి రాష్ట్ర  పరిస్థితులను  వివరించారు.  ఉప ఎన్నికల్లో కాంగ్రెస్  ఓటమి పై నరసింహన్ రహస్య నివేదిక  ఇచ్చినట్టు తెలుస్తోంది.

ఉప ఎన్నికల ముందు జగన్‌ను అరెస్టు చేయడం దురదృష్టకరమని, తన వైపు నుంచి కానీ, ప్రభుత్వం వైపు నుంచి గానీ అది చేయలేదని సోనియాగాంధీ  అంటుందని కాంగ్రెస్ నాయకులు అంటున్నారు. ఎవరైనా అలా ఎందుకు గైడ్ చేశారో అర్థం కాలేదని, ఆ అరెస్టు తప్పనే అభిప్రాయంతో సోనియా గాంధీ ఉన్నారని   రాజ్యసభ సభ్యుడు పాల్వాయి గోవర్ధన్‌రెడ్డి చెబుతున్నాడు.. కాంగ్రెస్ అధినేత్రి సోనియాను ఆమె నివాసంలో కలిసిన పాల్వాయి,  జగన్‌ను అరెస్టు చేయటం ద్వారా అనవసరంగా సానుభూతి పొందే అవకాశం కల్పించినట్లు అయిందన్నదే ఆమె అభిప్రాయమని పాల్వాయి మీడియా వర్గాలతో చెబుతున్నాడు. .