Posted: 06/22/2012 06:16 PM IST

రాష్ట్రంలో  ఇద్దరు ప్రముఖలను కాంగ్రెస్ అధిష్టానం ఢిల్లీకి పిలిపించుకుంది.   రాష్ట్ర ముఖ్యమంత్రి కిరణ్ కుమార్ రెడ్డి, మరొక పీసీసీ అధ్యక్షుడు  మంత్రి బొత్స సత్యనారాయణ లను   ఏఐసీసీ  అధ్యక్షురాలు సోనియా గాంధీ  ఢిల్లీకి రమ్మని కబురు పెట్టింది.  అమ్మ కబురు విన్న బొత్స – కిరణ్ లు ఢిల్లీకి వెళ్లటంతో .. రాష్ట్ర కాంగ్రెస్ నాయకులు మద్య అనేక అనుమానాలు వస్తున్నాయి.  ఉప ఎన్నికల ఫలితాలు చూసిన సోనియా గాంధీ  ఒకేసారి ప్రముఖ నాయకుల్ని పిలవటం పై అనేక అనుమానాలు   కాంగ్రెస్ నాయకుల్లో వస్తున్నాయి.

కొంతమంది కాంగ్రెస్ నాయకులు అయితే ..ఉప ఎన్నికల్లో ఓటమి గురించి తెలుసుకోవటానికైన ఉండాలి, లేకపోతే రాష్ట్రపతి ఎన్నికల అభ్యర్థికి మద్దతు తెలుపాటనికి అయిన ఉండాలని కాంగ్రెస్ నాయకులు అంటున్నారు.   అలాకాకుండా   రాష్ట్రపతి ఎన్నికల  తర్వాత  ఇక అధిష్టానం  రాష్ట్ర నాయకత్వం  మార్పుల విషయంలోనైన ఈ ఇద్దర్ని పిలిసి ఉంటుందని  కాంగ్రెస్ నాయకులు  అంటున్నారు.

ముఖ్యమంత్రి కిరణ్ కుమార్ రెడ్డి ఏఐసిసి అధ్యక్షురాలు సోనియా గాంధీకి ఉప ఎన్నికలపై నివేదిక ఇచ్చారు. ప్రదేశ్ కాంగ్రెసు కమిటీ అధ్యక్షుడు, రవాణాశాఖ మంత్రి బొత్స సత్యనారాయణతో కలిసి కిరణ్ సోనియాకు ఉప ఎన్నికలపై నివేదిక ఇవ్వటంతో. సుమారు అరగంట పాటు వారు అధ్యక్షురాలితో భేటీ అయినట్లు తెలుస్తోంది. ఉప ఎన్నికల పై  సోనియా గాంధీ ముఖ్యమంత్రికి క్లాస్ పీకినట్లుగా తెలుస్తోంది. రాష్ట్రంలో పార్టీ బలోపేతానికి కృషి చేయాలని ఆమె ముఖ్యమంత్రికి సూచించారు. 2014 వరకు ప్రభుత్వాన్ని స్థిరంగా ఉంచేలా చూడాలని చెప్పినట్లు తెలుస్తుంది. కాంగ్రెసు పార్టీ నుండి కడప పార్లమెంటు సభ్యుడు వైయస్ జగన్మోహన్ రెడ్డి ఆధ్వర్యంలోని వైయస్సార్ కాంగ్రెసు పార్టీలోకి వలసలు నివారించేలా చర్యలు తీసుకోవాలని గట్టిగా చెప్పిటనట్లు తెలుస్తుంది.. అందరిని సమన్వయం చేసుకొని వచ్చే సాధారణ ఎన్నికల నాటికి కాంగ్రెసును గెలుపు బాట పట్టించేలా చర్యలు తీసుకోవాలని బొత్స కిరణ్ లకు క్లాస్ పికీనట్లు ఢిల్లీ నాయకులు  అనుకుంటున్నారు. ఉప ఎన్నికలతో పాటు తెలంగాణ అంశం పైన కూడా సోనియా గాంధీతో వారు చర్చించినట్లుగా తెలుస్తోంది.  రాయల తెలంగాణపై  సోనియాగాందీ బొత్స – కిరణ్ లతో  మాట్లాడినట్లు  ఢిల్లీ మీడియా వర్గాలు అంటున్నాయి .