Posted: 06/12/2012 04:47 PM IST

హీరోలను మాయ చేయటంలో  హీరోయిన్ తర్వతేనే అని టాలీవుడ్ సీనియర్ హీరోలు అంటున్నారు. కుర్ర హీరోలను  సమంత ఏం మాయ చేస్తుందో గానీ . హీరోలందరు  సమంత కావాలి , సమంతతో సినిమా తీయ్యాలని దర్శక నిర్మాతలపై ఒత్తిడి తెస్తున్నట్లు తెలుస్తుంది. నాగ్  చైతన్యను ఏం మాయ చేసిందో గానీ అప్పటి నుండి  టాలీవుడ్ హీరోలు  ఎన్టీఆర్, మహేష్ బాబులు సైతం సమంతకు అవకాశం ఇచ్చి తమ సినిమాలను హిట్ ఖాతాలో వేసుకున్నారు. రీసెంట్ గా  ఈగ సినిమాలో   చిన్న హీరో అయిన నాని పక్కన కూడా సమంత నటిస్తుంది.  చిన్న పెద్ద అని తేడా లేకుండా వచ్చిన అవకాశాలను సమంత సద్వినియోగం చేసుకోవటంలో చాలా తెలివైన హీరోయిన్ అని టాలీవుడ్ వర్గాలు అంటున్నాయి .

అయితే ఇటీవల సమంత పెద్ద చాన్స్ మిస్సైందని అందరు అంటున్నారు. వారి మాటలతో  సమంత కూడా  నిజమేనని చెబుతుంది.  ప్రస్తుతం  సమంత ఆరు చిత్రాల్లో నటిస్తూ బిజీగా  ఉందని అంటుంది. అయితే ఒకే సారి అన్ని సినిమాలు  చేయటం ఆనందంగా ఉందని  సమంతా చెబుతుంది. కానీ  ఓ చేదు అనుభవం  ఎదురయ్యందట.  మణిరత్నం  ‘కడల్’  చిత్రంలో  సమంతకు  అవకాశం దక్కిన విషయం తెలిసిందే. కానీ  ఆ అవకాశం ఇలా వచ్చిందో లేదో అలా చేజారిపోయిందని  సమంత చాలా బాధపడుతుందట.  సమంతకు మణిరత్నం సినిమా ఎలా జారిపోయిందంటే?  కడల్ సినిమాలో  హీరో గౌతమ్ కన్నా  సమంత పెద్దదానిలా  కనిపిస్తుందనే కారణంగా  మణిరత్నం ఆమెను  తీసేశారనే వార్త కోలివుడ్ లో వినిస్తుంది.

కానీ  సమంత మాత్రం  అది కాదని  అంటుంది. అసలు కారణం వేరే ఉందని చెబుతుంది.  సమంత చేస్తున్న సినిమాలు షూటింగ్  దాదాపు 60 శాతం పూర్తి చేసుకోవటంతో, గత రెండు నెలల నుండి రెస్ట్ లేకుండా  షూటింగులు  చేయటం వలన  సమంత అస్వస్థతకు  గురికావటంతో ..  సమంత షూటింగ్  షెడ్యూల్  కొంచెం  అటూ  ఇటూ  అయినందువలన .. మణిరత్నం  సమంతను పిలిచి  కడల్ సినిమా నుంచి తప్పుకోమని అడిగినట్లు సమంత చెబుతుంది.   నా దురద్రుష్టం వలన  మణి రత్నం సినిమాలో  నటించలేపోయాననే బాధ సమంతాను వేదిస్తుందని తన సన్నిహితులతో అంటుందట.  మణి రత్నం  సినిమా  షూటింగ్ కు డుమ్మ కొడితే .. ఇలాగే ఉంటుందని  కోలీవుడ్ వాసులు అంటున్నారు.