Posted: 05/18/2012 12:31 PM IST

ప్రముఖ పారిశ్రామిక వేత్త టి. సుబ్బిరామిరెడ్డి నెల్లూరు పార్లమెంటు స్థానం నుండి కాంగ్రెస్ పార్టీ తరుపున ఉప ఎన్నికలలో పోటీ చేస్తున్న విషయం తెలిసిందే. ఈ ఉప ఎన్నికల ప్రచారంలో పాల్గొన వలసిందిగా చిరంజీవిని కాంగ్రెస్ అదిష్టానం ఆదేశించింది. దాని ప్రకారమే చిరంజీవి ఫాలో అవుతున్నాడు. కానీ చిరంజీవి ఉప ఎన్నికల ప్రచార షెడ్యూలు నెల్లూరు జిల్లాలో ఇప్పట్లో లేదు.

కానీ టి. సుబ్బరామి రెడ్డి తన నిజయోజక వర్గంలో చిరంజీవిని ప్రచారం కోసం ముందే పంపించాలని కాంగ్రెస్ అధిష్టానాన్ని పదే పదే కోరడంతో షెడ్యూలులో మార్పు చేశారని, అంతే కాకుండా చిరంజీవికి గంటగంటకు ఫోన్ చేసి మీరు మా నియోజక వర్గంలో షెడ్యూలు కన్నా ముందే ప్రచారం నిర్వహించాలని టీఎస్సార్ చిరంజీవిని రిక్వస్ట్ చేయడంతో ఆయన మాట కాదలనలేక చిరంజీవి ముందస్తు ప్రచారానకి ఒప్పుకున్నాడని రాజకీయ వర్గాల సమాచారం.

సుబ్బరామిరెడ్డి పక్షాన చిరంజీవి నిన్నటి నుండి విస్తారంగా ప్రచారం చేస్తున్నారు. రాజకీయంగానే కాకుండా, సినీ రంగంతో ఉన్న అనుబంధం రీత్యా కూడా చిరంజీవి విశేష ప్రచారంలో పాల్గొంటున్నట్లు కనబడుతోంది. ఇద్దరూ కలిసి రోడ్ షోలలో, సమావేశాలలో విస్తృతంగా పాల్గొంటున్నారు.