Posted: 05/17/2012 07:45 PM IST

మెగా పవర్ స్టార్ పవన్ కళ్యాణ్ నటించిన గబ్బర్ సింగ్ సినిమా ఘన విజయాన్ని సాధించింది. మంచి కలెక్షన్లతో బాక్సాఫీస్ రికార్డ్సు బద్దలు కొట్టే దిశగా దూసుకుపోతుంది. పవన్ కళ్యాణ్ కి ఖుషి సినిమా తురువాత సరైన హిట్ ఇన్నాళ్ళకు లభించింది. అయినా కలెక్షన్ల పరంగా క్రేజ్ పరంగా పవన్ రేంజ్ ఏ మాత్రం తగ్గలేదని ఈ సినిమా ద్వారా తెలుస్తుంది. ఈ సినిమా ఇప్పటికే 25 కోట్ల కలెక్షన్లు సాధించిందని టాలీవుడ్ వర్గాల సమాచారం.

‘గబ్బర్ సింగ్’ హిట్ కావడంతో పవన్ కళ్యాణ్ రేంజ్ ఇప్పుడు హై రేంజ్ లోకి వెళ్ళిపోయింది. దీంతో టాలీవుడ్ లో ఉన్న అగ్ర నిర్మాతలు అంతా పవన్ కళ్యాణ్ చుట్టూ తిరుగుతున్నారని టాలీవుడ్ టాక్. ‘గబ్బర్ సింగ్’ తరువాత పవన్ చిత్రానికి డబుల్ కలెక్షన్లు వస్తాయనే ఉద్దేశ్యంతో నిర్మాతలు ఈయన ఇంటికి క్యూ కడుతున్నారని సమాచారం.

ఇప్పటికే టాలీవుడ్ లో ప్రముఖులు ఈ చిత్రం పై అనేక సందర్భాల్లో ప్రశంసలు కురిపించారు. అంతేకాకుండా బాలీవుడ్ కండల వీరుడు సల్మాన్ ఖాన్ కూడా ఈ చిత్రం పై ప్రశంసల జల్లు కురించారు. ఈ పరిణామాలను అన్నింటిని గమనిస్తున్న అగ్ర నిర్మాతలు పవన్ కళ్యాణ్ వద్ద క్యూ కడుతున్నారు. ఓ అగ్ర నిర్మాత అయితే ఏకంగా పవన్ కళ్యాణ్ కి 20 కోట్ల రెమ్యునరేషన్ ఆఫర్ చేశాడని ఫిలింనగర్ లో అనుకుంటున్నారు.

అయితే పవన్ కళ్యాణ్ మాత్రం నాకు డబ్బు ముఖ్యకాదు, మంచి కథ ఉంటే తప్పకుండా సినిమా చేద్దాం అని సదరు నిర్మాతకు చెప్పినట్లు సమాచారం. ఒక వేళ పవన్ కళ్యాణ్ గనుక ఆ నిర్మాత చేసిన ఆఫర్ కి ఒఫ్పుకుంటే టాలీవుడ్ లో హై రెమ్యునరేషన్ తీసుకున్న హీరోగానే కాకుండా, ఎవరూ అందుకోలేనంత ఎత్తుకు పవన్ రెమ్యునరేషన్ వెళుతుందని అంటున్నారు.