Posted: 04/21/2012 04:49 PM IST

ఈ మధ్య కాలంలో హీరోయిన్ అందరు గజినిలాగా మారిపోతున్నారు. మొన్న త్రిష కూడా ఇలానే చెప్పింది. ఇప్పుడు కాజల్ . ఇప్పుడు నేనెవరో చాలామందికి తెలిసిపోయింది. కాబట్టి నా మీద కొన్ని అంచనాలు ఉంటాయి. ఆ అంచనాలను చేరుకునే విధంగా కృషి చేస్తున్నా అంటుంది కాజల్. ప్రస్తుతం ఆమె నటిస్తున్న చిత్రాల్లో హిందీ చిత్రం ‘స్పెషల్ చబ్బీస్’ ఒకటి. అక్షయ్‌కుమార్ హీరోగా ఈ చిత్రం రూపొందుతోంది. -‘‘హిందీలో ‘సింగమ్’ నాకు మొదటి సినిమా. అప్పుడు నేనెవరో ఉత్తరాది ప్రేక్షకులకు తెలియదు కాబట్టి.. ఎలాంటి అంచనాలు ఉండేవి కావు. కానీ ‘సింగమ్’ తర్వాత నాకు ఒక గుర్తింపు వచ్చింది. అందుకని ‘స్పెషల్ చబ్బీస్’లో నా నటన గురించి అంచనాలు ఉంటాయి. అందుకే ఈ చిత్రాన్ని పెద్ద బాధ్యతగా ఫీలై చేస్తున్నాను. అలాగని నిద్ర మానుకోవడం లేదులెండి. అంత టెన్షన్ పడను. కెమెరా ముందు ఉన్నంతవరకూ పాత్రకు ఎంతవరకు న్యాయం చేయాలో అంతా చేస్తాను. ఇంటికొచ్చిన తర్వాత షూటింగ్‌ని పూర్తిగా మర్చిపోతా అని అంటుంది. . పాత్ర నచ్చితే నిడివి ఎంత అనే విషయం గురించి ఆలోచించనని కాజల్ చెబుతూ -‘‘నేనేదైనా సినిమా ఒప్పుకునే ముందు సినిమా మొదటి నుంచి చివరి వరకు కనిపిస్తున్నామా, సినిమాకి 72 సీన్లు ఉంటే.. ప్రతి సీన్‌లోనూ మనం ఉంటామా? అని ఆలోచించను.

పాత్ర నిడివి తక్కువైనా ఫర్వాలేదు.. థియేటర్ నుంచి బయటికొచ్చిన తర్వాత కూడా ప్రేక్షకులకు గుర్తుండిపోయే విధంగా ఉండాలని ఆలోచిస్తాను. ఇప్పటివరకు అలాంటి పాత్రలు చాలా చేశాను. వాటికి మంచి స్పందన లభించింది. ‘ఇంటికెళ్లిన తర్వాత కూడా నీ కేరక్టర్ మమ్మల్ని వెంటాడింది’ అని చాలా సందర్భాల్లో పలువురు ప్రేక్షకులు నాతో అన్నారు. ఆ సమయంలో నేను పొందిన ఆనందం వెలకట్టలేనిది’’ అన్నారు.