Posted: 04/13/2012 06:44 PM IST

గుంటూరు ఎంపీ రాయపాటి సాంబశివరావు, ఆయన తమ్ముని కుమారుడు తాను పంపించే అమ్మాయిలతో గెస్ట్‌హౌసుల్లో మసాజ్‌లు చేయించుకునేవారని తారాచౌదరి వెల్లడించింది. ఈ క్రమంలోనే రాయపాటి సాంబశివరావుతో సన్నిహిత సంబంధాలు ఏర్పడ్డాయని చెప్పింది. రాయపాటి సాంబశివరావు, ఆయన తమ్ముని కుమారుడు బెదిరించినా తాను కన్నా లక్ష్మీనారాయణ గురించి చెడుగా చెప్పటానికి అంగీకరించలేదని తెలిపింది. కన్నా లక్ష్మీనారాయణ మేనేజర్‌కు తాను ఈ విషయం వివరించగా వాళ్ల పాపాన వాళ్లే పోతారని ఆయన సర్దిచెప్పాడని చెప్పింది.

మంత్రి కన్నా లక్ష్మీనారాయణపై చెడుగా ప్రచారం చేయాలని, తాను చెప్పినట్టు చేయకపోతే చంపేస్తానంటూ రాయపాటి సాంబశివరావు, ఆయన తమ్ముని కుమారుడు చేసిన బెదిరింపులకు సంబంధించిన సంభాషణలను తారాచౌదరి రికార్డు చేసినట్టు సమాచారం. తారాచౌదరి నివాసం నుంచి బంజారాహిల్స్ పోలీసులు స్వాధీనం చేసుకున్న సీడీల్లో ఇవి ఉన్నట్టుగా తెలిసింది. ఇటువంటి పరిస్థితుల్లో రాయపాటి సాంబశివరావు, ఆయన తమ్ముని కుమారునిపై కూడా పోలీసులు విచారణ చేపట్టాల్సి ఉంటుంది.

దీని గురించి బంజారాహిల్స్ పోలీసులతో మాట్లాడగా తారాచౌదరి నివాసం నుంచి స్వాధీనం చేసుకున్న వీడియో, ఆడియో సీడీలను ఫోరెన్సిక్ సైన్స్ లేబోరేటరీలో పరిశీలన జరిపిస్తామన్నారు. దాంట్లో వెలువడే వివరాల ఆధారంగా దర్యాప్తును ముందుకు నడిపిస్తామన్నారు. రాయపాటి సాంబశివరావు, ఆయన తమ్ముని కుమారున్ని ప్రశ్నిస్తారా? అంటే ఇప్పుడే ఏమీ చెప్పలేమన్నారు. విచారణలో వెల్లడయ్యే ఆధారాలను బట్టి తదుపరి చర్యలుంటాయని బదులిచ్చారు.