Posted: 03/12/2012 04:29 PM IST

ఫిక్సింగ్.. ఈ పదం మనకు ఎక్కువగా వినిపించేది క్రికెట్ లోనే.. ఈ మధ్యనే పాకిస్థాన్ కి చెందిన క్రికెటర్లు ఫిక్సింగ్ నేరం కింద జైలుకు కూడా వెళ్ళిన విషయం తెలిసిందే. గతంలో మన దేశానికి చెందిన వారు ఫిక్సింగ్ భూతానికి బలయినవారు ఉన్నారు.

అసలు ఫిక్సింగ్ అంటే ఏంటంటే.... డబ్బు తీసుకొని తాను ఓడి ప్రత్యర్థిని గెలిపించడమే ఫిక్సింగ్. ఇప్పుడు దీని పై అంతగా ఎందుకు చర్చించుకుంటున్నారంటే... సండేటైమ్స్ పత్రిక ఫిక్సింగ్ పై ఓ స్టింగ్ ఆపరేషన్ చేసి ఆశ్చర్యకరమైన విషయాలను వెల్లడించడంతో ఈ మేటర్ కాస్త హాట్ టాపిక్ గా మారింది. ఇందులో తేలింది ఏంటంటే... ఫిక్సింగ్ కి కేంద్రం భారత్ ఉపఖండమేనని తేల్చి చెప్పింది.

ఇంకా కొన్ని రోజుల్లో ఇంగ్లండ్ లో జరగబోయే కౌంటీ మ్యాచ్‌ల్లో, గతేడాది వన్డే వరల్డ్‌ కప్ టోర్నీ చివరి దశలో మ్యాచ్‌లు ఫిక్స్ అయ్యాయని ఓ బుకీ వెల్లడించాడు. ఫిక్సింగ్ చేసేందుకు ఇంగ్లండ్ సహా వివిధ దేశాల ఆటగాళ్లను బుక్‌మేకర్లు ఎన్నుకుంటారని, వీరికి బాలీవుడ్ హీరోయిన్లను ఎరగా చూపిస్తారని సండే టైమ్స్ తెలిపింది. సండే టైమ్స్‌కు చెందిన రిపోర్టర్ విక్కీ సేథ్ అనే ఢిల్లీ బుక్‌మేకర్‌పై ఈ స్టింగ్ ఆపరేషన్ చేశాడు. మరో బుకీ మోనూ భాయ్ కూడా ఫిక్సింగ్‌పై పలు అంశాలు వెల్లడించాడు. మ్యాచ్‌లను ఫిక్స్ చేసేందుకు ప్రధాన క్రికెట్ దేశాల ఆటగాళ్లతో పనిచేశానని చెప్పుకొచ్చాడు. ఇటీవలే న్యూజిలాండ్ క్రికెటర్లతో ఇలాంటి ఒప్పందం కుదర్చుకునే ఆఫర్ తనకు వచ్చిందని చెప్పాడు. ‘కొంతమంది కివీస్ ఆటగాళ్లతో ఒప్పందానికి నన్ను పిలిచారు. కానీ నేను వెళ్లలేదు. వచ్చే నెల 4 నుంచి ఐపీఎల్ ప్రారంభం కానుంది. ఐపీఎల్‌లాంటి ఆకర్షణీయమైన టోర్నీ ఉండగా కివీస్ ఆటగాళ్లతో గిట్టుబాటు కాదని ఆఫర్‌ని తోసిపుచ్చాను’ అని మోనూ తెలిపాడు. అంతే కాకుండా గతేడాది జరిగిన భారత్ – పాక్ సెమీ ఫైనల్లో కడా ఫిక్సింగ్ జరిగిందని ఆయ తెలిపాడు. ఈ విషయాలన్నింటి పై బీసీసీఐ త్వరలో విచాణ జరపనుంది. మరి ఇందులో ఇంకెన్ని నిజాలు బయటపడతాయో చూడాలి.