Posted: 03/12/2012 01:58 PM IST

నిన్న రాత్రి హైదరాబాద్ లోని పీపుల్స్ ప్లాజాలో మెగాస్టార్ తనయుడు రామ్ చరణ్ తేజ నటించిన ‘రచ్చ’ సినిమా ఆడియో అంగరంగ వైభవంగా జరిగింది. ఈ ఆడియోకి చాలా మంది ప్రముఖులు హాజరయ్యారు. ఈ ఆడియో ఫంక్షన్ లో మెగాస్టార్ 150 వ చిత్రం గురించి కూడా ప్రస్థావన వచ్చింది. ఈ  చిత్రం పై ఆంధ్రవిశేష్ ముందే చెప్పింది. ఆంధ్ర విశేష్ చెప్పినట్లుగానే 150వ చిత్రం పై ఓ ప్రకటన వచ్చింది. ఈ చిత్రం పై చాలా కాలంగా రకరకాల వార్తలు వినపడుతున్నాయి. పూరి జగన్నాధ్ డైరక్ట్ చేస్తారని,వివి వినాయిక్ డైరక్ట్ చేస్తారని చెప్పుకున్నారు. అంతే కాకుండా రోబో ఆడియో ఫంక్షన్ తరువాత కూడా చిరు సినిమాకి శంకర్ దర్శకత్వం వహించబోతున్నాడనే వార్తలు కూడా వచ్చాయి. అయితే ఇప్పటివరకూ ఆ చిత్రం గురించి అధికారికంగా ఏ ప్రకటనా వెలవడలేదు. అయితే రాజకీయాల్లో బిజిగా ఉన్న చిరంజీవి ఇక 150 సినిమాను పూర్తి చేయరనే అనుకున్నారు. అయితే తాజాగా ఆయన చేసిన ఈ కామెంట్స్ మళ్ళీ ఆయన అభిమానుల్లో ఆశలు చిగురింప చేస్తున్నాయి. తను చిత్రం చేస్తే సందేశాత్మకంగా ఠాగూర్ తరహా చిత్రం చేస్తానని ఆయన గతంలో చెప్పి ఉన్నారు.

‘రచ్చ’ ఆడియో వేడుకకి ముఖ్య అతిథిగా వచ్చిన చిరంజీవి మాట్లాడుతూ... కథ డిమాండ్ ని బట్టి నా 150వ చిత్రం ఉంటుందని ఆ సినిమాలో తమన్నా హీరోయిన్ అయితే బాగుంటుందని కూడా చిరు తన మనసులో మాట బయటపెట్టాడు. అయితే చిరు ఏ ఉద్దేశ్యంతోఅన్నాడో గానీ సినీ జనాలు ఈ మాటల పై పలు రకాలుగా మాట్లాడుతుకుంటున్నారు.

చిరంజీవి నటించిన ‘గ్యాంగ్ లీడర్’ సినిమాలోని ‘వాన వాన వెల్లువాయె’ అనే సాంగులో తమన్నా డాన్సును, ఆ తడిసిన అందాలను చూసిఆమె  పై మనసు పడ్డాడని అందుకే తన 150వ చిత్రంలో తమన్నాను పెట్టుకోవాలని అన్నాడని అనుకుంటున్నారు. చిరు కోరికను తమన్నా కూడా తీర్చేస్తానని చెప్పడంతో చిరు ఆనందంలో తేలిపోతున్నాడని, కొడుకు హీరోయిన్ పై మెగాస్టార్ మనసు పడే ఇలాంటి ప్రకటన చేశాడని అనుకుంటున్నారు సినీ జనాలు.