Posted: 03/05/2012 11:50 AM IST

ఒకప్పుడు టాలీవుడ్ లో టాప్ హీరోయిన్ రేంజ్ లో దూసుకుపోయిన అనుష్క గత కొంత కాలంగా తెరమరుగు అయింది. ‘అరుంధతి’ సినిమాలో అద్బుత ప్రదర్శన కనబరిచి అందరి చేత ఔరా అనిపించుకున్న అనుష్కకి ఇప్పడు టాలీవుడ్ లో కానీ, తమిళంలో కానీ పెద్దగా అవకాశాలు లేవు. ఈమె ప్రస్తుతం తెలుగులో నాగార్జునతో, ప్రభాస్ సినిమాలలో మాత్రమే నటిస్తుంది. ఈ రెండు సినిమాలు తప్పితే అనుష్కకు సినిమాలే లేవు..

టాలీవుడ్ లో టాప్ హీరోయిన్ గా పేరుచ్చుకుని దూసుకుపోతున్న టైంలో ఈ అమ్మడుకి పరభాష పై మోజు పుట్టి అటువైపు వెళ్లింది. అక్కడ తమిళం, కన్నడ భాషలలో నటించినా అనుకున్నంత రేంజ్ లో హిట్ కాకపోయే సరికి ఈ భామ కాస్త వెనకబడి పోయింది. అదే సమయంలో టాలీవుడ్ లో సమంతా, తమన్నా, కాలజ్ లు లైన్ లోకి తమ జోరును పెంచారు. దాంతో ఉన్న తెలుగులో అసలే అవకాశాలు లేకుండా పోయాయి.

అనుష్క మొదట అవకాశం ఇచ్చిన నాగార్జున, ఆమెను తన తండ్రి సినిమాలో పెట్టుకోమని రెకమండ్ చేసిన నాగ చైతన్య కూడా ఇప్పుడు ఆదరించడం లేదని, వెనకబడిపోయిన ఈమెకు ఈ తండ్రీ కొడుకులు అవకాశాలు కూడా ఇవ్వడం లేదని అనుకుంటున్నారు. ఇదే టైంలో టాలీవుడ్ లో కామెడీ యాక్టర్ గా ఉన్న సునీల్ హీరోగా దూసుకు వచ్చి వరుస హిట్లతో ఓ రేంజ్ కి వచ్చేశాడు. తాజాగా వచ్చిన పూలరంగడు విజయం సాధించడంతో మంచి జోష్ మీదున్న సునీల్ కూడా తన తరువాతి సినిమాలో వెనకబడిపోయి బి క్లాస్ రేంజ్ కి వచ్చిన అనుష్కతో ఓ సినిమా చేయాలని అనుకుంటున్నాడని సమాచారం. ఈ విషయం తెలుసుకున్న అనుష్క ఖంగుతిందని సమాచారం. మొత్తానికి పరభాష మీద మోజు పెంచుకుని, ఉన్నది, ఉంచుకున్నది పోగొట్టుకొని చిరరికి ఇలా సునీల్ లాంటి హీరోలతో నటించేస్థాయికి దిగజారి పొయిందని అనుకుంటున్నారు.