Posted: 02/27/2012 05:03 PM IST

మిల్క్ బ్యూటీ తమన్నా ఇప్పుడు టాలీవుడ్ లో దూసుకుపోతున్న నెం.1 హీరోయిన్. ఈమె ఇంత స్థాయికి రావడానికి ఒకప్పుడు చాలా కష్టపడ్డాను అని చెప్పుకొచ్చింది. అలా అని ఈమె ఏదో కొండలో గుట్టలో కరగదీయలేదు. మరి ఈమె చేసిందేమిటి ?‘‘కష్టపడే మనస్తత్వం ఉన్నవారికి ఎప్పటికైనా ప్రతిఫలం లభిస్తుంది.. ఈ పాల బుగ్గల సుందరి మాటల్లో నిజం ఉందన్న సంగతిని ప్రత్యేకంగా చెప్పనవసరంలేదు. కష్టపడితే పైకి రావచ్చనడానికి తన కెరీరే పెద్ద ఉదాహరణ అని చెబుతుంది.

ఈమె సినిమాల్లోకి వచ్చిన కొత్తలో ఈమె కెరీర్ ఆశాజనకంగా సాగలేదట. అయినా నేను నిరుత్సాహపడలేదట. మన ప్రయత్నం మనం చేస్తే ఆ దేవుడు ఎప్పటికైనా కరుణించకపోతాడా అనుకుందట. ఇప్పుడు ఆమె ఊహ నిజమైందట. నా కష్టాన్ని మెచ్చి, ఆ భగవంతుడు ఈ స్థాయికి తీసుకొచ్చాడు. అని చెప్పుకొచ్చింది. షూటింగ్స్ బిజీ వల్ల ఒక్కో రోజు ఏం తిన్నాను? ఎంతసేపు నిద్రపోయాను? లాంటి విషయాలు కూడా పట్టించుకునే వీలు చిక్కడంలేదట. అంత కష్టపడి ఆమె ఈ స్థాయికి వచ్చానని చెప్పుకుంది.  సినిమా ఇండస్ట్రీలో అవకాశాలు సంపాదించడానికి ఎంత కష్టపడాలో వచ్చిన అవకాశాలను, చేరుకున్న స్థాయిని నిలబెట్టుకోవడానికి అంతకన్నా రెట్టింపు కష్టపడాలి’’ అన్నారు.

ఏదో తమన్నా కొద్దిపాటి కష్టానికి తోడు లక్ కలిసి రావడం వల్లనే ఈమె పైకొచ్చిందని, జీవితంలో ఓస్థాయికి చేరిన తరువాత మేం అలా చేసి పైకొచ్చాం, ఇలా పైకొచ్చాం అని గొప్పలు చెప్పుకునే హీరోయిన్ల మాదిరే ఈమె కూడ నీతులు చెబుతుందని సినీ జనాలు అంటున్నారు. తమన్నా చెప్పే నీతులు ఎవరైనా పాటిస్తారేమో చూడాలి మరి.