Posted: 02/18/2012 03:58 PM IST

మీరు షుగర్ పేషెంట్లా? అయితే మీరు అసెంబ్లీ దగ్గరకు వెళ్లకండి? ఎందుకంటే అక్కడకు వెళ్లిన షుగర్ పెషేంట్లు అందరు పడిపోతున్నరట. అంతేకాదండోయ్ అక్కడకు వెళ్లిన వారికి బిపీ కూడా డౌన్ అవుతుందని చెబుతున్నారు. ఇది నిజం? ఎందుకంటే నిన్న స్వయాన ఒక మంత్రి గారికి ఇలా జరిగింది. పాపం ఆయన అప్పటికే నిండు శాసన సభలో ఉన్నారు కాబట్టి సరిపోయింది. లేకుంటే.. ఆ మంత్రి పరిస్థితి ఎలా ఉంటుందో ఒకసారి ఊహించుకోండి? ఆ .. ఏం జరిగింది కాకపోతే ఆ మంత్రిగారు బక్కెట్ తన్నేసేవాడు? అంత మించి ఏం జరగదులేండని అనుకుంటున్నారా? అయితే ఇక్కడో విషయం చెప్పాలి. ఆ మంత్రి పడిపోగానే.. వెంటనే మరో మంత్రి పైకి లేచి అరవటం మొదలుపెట్టాడట. సారీ....అరవటం అంటే చదవటం మొదలుపెట్టాడని అర్థం.

ఒప్పటిగాలనే నిన్న కూడా అసెంబ్లీ సమావేశాలు జరుగుతున్నాయి. ఈ సమావేశాలు రాష్ట్ర బడ్జెట్ గురించి జరుగుతున్నాయి. రాష్ట్ర ఆర్థిక శాఖ మంత్రి ఆనం రామనారాయణ రెడ్డి గారు శాసన సభ్యులకు, 2012-2013 రాష్ట్ర వార్షిక బడ్జెట్‌ ను ప్రవేశపెడుతూ చదువుతున్న సందర్భంలో ఆనంగా చిన్న షాక్ తిన్నారు. ఆయన.. అసెంబ్లీ హాల్లో బడ్జెట్ చదువుతూన్న ఒక గంటలోపే ఆయనలో ఉన్న షూగర్ లేవల్స్ మొత్తం పడిపోయి, కళ్లు తిరగటం మొదలైనాయి. తను బడ్జెట్ చదవలేనని సీఎంకు కళ్లతో సంకేతాకలను పంపించటం జరిగింది. సీఎం కిరణ్ కుమార్ రెడ్డి ఆనం పడుతున్న ఇబ్బందిని గమనించి వెంటనే ఐటీ శాఖ మంత్రి పొన్నాల లక్ష్మయ్య కు కనుసైగ చేశాడు. ఈ సందర్భంలో ఉప ముఖ్యమంత్రి కూడా పొన్నల వైపు చూడటంతో .. బడ్జెట్ ను చదవటానికి పొన్నాల రెఢీ అయ్యాడు. అసలు అసెంబ్లీ వాతావరణం ఆనంకు ఎందుకు పడలేదు? అసెంబ్లీలో ఏం జరిగింది?

ఆర్థిక మంత్రి ఆనం రామనారాయణరెడ్డి స్వల్ప అస్వస్థతకు గురయ్యారు. మధ్యాహ్నం 12.10 గంటలకు బడ్జెట్‌ ప్రసంగాన్ని ప్రారంభించిన ఆయన 1.09 గంటలకు లో షుగర్‌ వల్ల మధ్యలోనే నిలిపి కూర్చుండిపోయారు. ఐటీ శాఖ మంత్రి పొన్నాల లక్ష్మయ్య వెంటనే లేచి బడ్జెట్‌ ప్రసంగాన్ని కొనసాగించారు. మళ్ళీ 1.30కు ఆనం తేరుకుని తన ప్రసంగాన్ని కొనసాగించి 1.40కి ముగించా రు. నిజానికి 12.30 ప్రాంతం నుంచే ఆనం గొంతులో కాస్త తడబాటు కనిపిం చింది. 100 శాతం ఏసీ ఉన్న సభలోనే శరీరం అంతా చెమటలతో నిండి కనిపిం చింది. మాటిమాటికీ ఆయన జేబు రుమాలుతో ముఖం తుడుచుకోవటం శాసన సభ్యులు అందరు గమనించారు. ఆనం షుగర్ ఎఫెక్ట్ తో పొన్నాలకు బడ్జెట్ దక్కిందని అందరు నవ్వుకున్నారు.