Posted: 02/11/2012 05:16 PM IST

దగ్గుబాటి వంశం నుండి డాక్టరు రామా నాయుడు గారు సినిమా ప్రవేశం చేయటం జరిగింది. ఆయన డైరెక్టరు గా, నిర్మాత గా తెలుగు సినిమా ఇండస్ట్రీలో మంచి పేరు సంపాదించుకున్నాడు. ఆయన తరువాత .. ఆయన చిన్న కొడుకు దగుబాటి వెంకటేష్ హీరోగా పరిచయం అయ్యాడు. హీరోగా వెంకటేష్ కూడా తెలుగు ప్రజల అభిమానాన్ని పోందాడు. ఇప్పుడు దగ్గుబాటి వంశం నుండి రామా నాయుడు మనవుడు తెర ప్రవేశం చేయటం జరిగింది. అంటే రామా నాయుడు పెద్ద కొడుకు నిర్మాత సురేష్ బాబు కొడుకు రానా హీరోగా వెండి తెర పైకి రావటం జరిగింది. హీరోగా రానా మొదటి సినిమా ‘లీడర్’ ద్వారా తెలుగు ప్రజలకు దగ్గుబాటి మూడు తరం హీరోగా పరిచయం అయ్యాడు.

ఆ సినిమాతో రానా హీరోగా ఎదిగిపోయాడు.వెంటనే టాలీవుడ్ నుండి బాలీవుడ్ లో సినిమా చేసిన హీరో గా పేరు తెచ్చుకున్నాడు. ఆ తరువాత మళ్లీ తెలుగులో ‘నేను నా రాక్షసి’, నా ఇష్టం అనే సినిమాలు చేసినప్పటికి పెద్దగా గుర్తింపు రాలేదు. రానా అనుకున్న విజయాలు రాకపోవటంత నిరాశ చేందాడట. బాలీవుడ్ లో సినిమాలు చేసే సమయంలో రానా అనేక రూమర్లు వచ్చాయి. బాలీవుడ్ హీరోయిన్ బిపాసా బసు రానాల మద్య సంబంధాలు ఉన్నాయని వారు త్వరాలో పెళ్లి కూడా చేసుకోబోతున్నారని పుకార్లు వినిపించాయి. కానీ వాటిని రానా కొట్టి పారేస్తున్నాడు. మా ఇద్దరి మధ్య ఎలాంటి సంబంధం లేదని కేవలం స్నేహం బంధమేనని రానా చెబుతున్నాడని .. ఫిలిం వర్గలు అంటున్నాయి.

అయితే ఇటీవల మీడియా మందుకు వచ్చిన రానా కొన్ని విషయాలను చెప్పాటం జరిగింది. ప్లాపులు ఎవరికైనా సహజమని, ప్లాపైనంత మాత్రాన ప్రతిభ తగ్గినట్టు కాదని రానా అంటున్నాడు. ఇటీవల కాలంలో పాత సినిమాలను రిమేక్ చేస్తున్నారు, హీరో వెంకటేష్ నటించిన ‘బొబ్బిలిరాజా’ సినిమా మీరు రిమేక్ చేస్తారనే వార్తలు వస్తున్నాయని మీడియా ప్రతినిధులు అడిగిన దానికి రానా నవ్వుతూ నేను ఎప్పుడు అనలేదు, ఎవరో క్రియేట్ చేసిన వార్త అది, అంతే కాదు బాబాయి గొప్పగా చేసిన ఆ పాత్రను నేను చెడగొట్టను అని ఖచ్చితంగా చెప్పాడని మీడియా ప్రతి నిదులు అంటున్నారు. హీరో రానా కూడా మహేష్ బాబు బాటలోనే నడుస్తున్నాడని ఆయన సన్నిహితులు అంటున్నారు.