Posted: 12/02/2011 04:54 PM IST

వారసత్వంగా వచ్చే విద్య కంటే... స్వశక్తినే నేను నమ్ముతాను. అందుకోసం ఎంత కష్టానికైనా నేను సిద్ధం. అన్నయ్య ‘నటిస్తావా’ అని అడిగినప్పుడు ‘చిరంజీవి తమ్ముడ్ని అయినంత మాత్రాన ప్రజలు నన్నెందుకు చూడాలి అని నాకు నేను ప్రశ్నించుకున్నాను. ‘తొలిప్రేమ’ దాకా ఈ కన్‌ఫ్యూజన్ నాలో ఉంది. ఈ మధ్య కొన్ని సినిమాల ద్వారా అభిమానుల్ని నిరాశపరిచిన మాట నిజం. నేనెప్పుడూ కెరీర్‌ని నిర్లక్ష్యంగా చూడను. పరిస్థితులు కలిసి రాలేదు అంతే.. విష్ణువర్థన్ ఈ సినిమాను వండర్ అనిపించే రీతిలో తీశాడు.

పంజా ఆడియో విడుదల కార్యక్రమంలో పవన్ కళ్యాణ్ చేసిన పై వ్యాఖ్యలకు మీడియా అనేకార్థాలు తీసింది. వారసత్వం గురించి ఆయన మాట్లాడిన మాటలను చిరంజీవితో విభేదాలతో ఉన్నాయంటూ వ్యాఖ్యానించడానికి వాడుకుంది. పంజా ఆడియో ఫంక్షన్‌కు చిరంజీవి కుటుంబ సభ్యులెవరూ రాకపోవడం కూడా ఆ మీడియా వ్యాఖ్యలకు ఊతమిచ్చాయి.

అయితే వీటన్నింటికి నిన్న జరిగిన సంఘటనతో నోరు మెదపకుండా అయ్యింది. మగధీర  నిశ్చితార్థం .. పవన్ కళ్యాన్ చేతులు మీద జరిగింది..  మగధీరుడిని  ఎంగేజ్ మెంట్  వేదికకి  స్వయానా బాబాయ్ పవన్ తీసుకు వచ్చారు.  అది కూడా  ఒక సరికొత్త  బెంజ్  వాహనంలో , ఇండియాలో  ఇంకా  ఈ వాహనం బుకింగ్  దశలోనే ఉంది. అయితే  పవన్  దాన్ని ఇటివలే  మగధీరుడి నిశ్చితార్థం కోసమే  సొంతం  చేసుకొన్నారు.  పవన్  మగధీర వేడుక కోసమే ఆఘమేఘాల మీద పవన్ దాన్ని కొనుగోలు  చేసారని  సమాచారం.  నిజమే  మరి  అబ్బాయి  రామ్ చరణ్ మీద బాబాయ్  పవన్ కి ఉన్న  ప్రేమనే గాక, మొన్నటి వరకు విమర్శించిన వారికి కూడా ఈ సంఘటనతో కుటుంబ సభ్యులతో పవన్ కళ్యాణ్‌కు ఏ విధమైన తేడాలు లేవని తేలిపోయిందని అంటున్నారు.

అయితే రామ్ చరణ్ దీనికి సంబంధించి మాట్లాడుతూ... బాబాయ్ కారులో రావడం తనకు సంతోషంగా ఉందని రామ్ చరణ్ తేజ్ చెప్పగా, తమ కుటుంబానికి ఇది మంచి రోజు అని పవన్ కళ్యాణ్ ఓ ప్రముఖ టీవీ చానెల్ ప్రతినిధితో అన్నారు. దీన్నిబట్టి చిరంజీవితో పవన్ కళ్యాణ్‌కు విభేదాలు లేవని అర్థం చేసుకోవచ్చునని అంటున్నారు. రాజకీయంగా అన్నయ్య అడుగులు నచ్చినా నచ్చకపోయినా కుటుంబ సంబంధాలు మాత్రం మెరుగ్గానే ఉన్నాయని పవన్ కళ్యాణ్ చెప్పకనే చెప్పారు. ప్రజారాజ్యం పార్టీని కాంగ్రెసులో చిరంజీవి విలీనం చేయడం పవన్ కళ్యాణ్‌కు నచ్చలేదని, అందుకే చిరంజీవికి దూరమయ్యారంటూ ఈ నేపథ్యంలోనే పంజా ఆడియో ఫంక్షన్ లో సంచలన వ్యాఖ్యలు చేశారని వార్తలు వచ్చాయి. ఏమైనా, ప్రస్తుతానికి పవన్ కళ్యాణ్ చిరంజీవి కుటుంబ సభ్యులతో ఉన్నాడనే భావించే సంఘటనను రామ్ చరణ్ తేజ్ తన కుటుంబంలో గొడవలు లేవని చెప్పడానికి బాబాయ్ కారులో వచ్చి నిరూపించారని అంటున్నారు.