కళ్యాణ్ రామ్ ‘బింబిసారా’ ఓటిటీ హక్కులు దక్కించుకున్న ఫ్లాట్ ఫామ్

Posted: 08/23/2022 07:55 PM IST

Bimbisara movie ott release date and platform fixed

కల్యాణ్ రామ్ హీరోగా రూపొందిన 'బింబిసార' ఈ నెల 5వ తేదీన ప్రపంచవ్యాప్తంగా తెలుగు ప్రేక్షకుల ముందుకు వచ్చిన మంచి వసూళ్లు రాబడుతున్న విషయం తెలిసిందే. నూతన దర్శకుడు వశిష్ఠ తెరకెక్కించిన ఈ సినిమా, తొలిరోజునే హిట్ టాక్ ను సొంతం చేసుకుంది. అటు మరో ప్రతిష్టాత్మక చిత్రం 'సీతా రామం' అదే రోజున విడుదల కాగా, పోటీని తట్టుకుని తెలుగు రాష్ట్రాల్లో తొలి రోజునే ఏకంగా రూ.6.3 కోట్లను రాబట్టింది. ఇక ఆ తరువాత వచ్చిన 'కార్తికేయ 2' కూడా ఈ చిత్రానికి గట్టి పోటీని ఇచ్చింది. అయినా తట్టుకుని విజయవంతంగా ఆడుతున్న ఈ సినిమా లాభాలను ఆర్జిస్తోంది.

తెలుగు రాష్ట్రాల్లోనే సుమారు 50 కోట్ల రూపాయల గ్రాస్ కలెక్షన్లను రాబట్టిన ఈ చిత్రం.. కర్నాటక సహా దేశవ్యాప్తంగా రూ.2.22 కోట్ల వసూళ్లను రాబట్టగా.. ఓవర్ సీస్ లో రూ.2.30 కోట్ల వసూళ్లును రాబట్టింది. ఇప్పటికీ ఇంకా ఈ చిత్రం బాక్సాఫీసు వద్ద తన జైత్రయాత్రను కొనసాగిస్తోంది. కాగా, ఈ చిత్రానికి సంబంధించిన ఓ అప్ డేట్ తాజాగా చిత్రపురిలో చక్కర్లు కోడుతోంది. ఈ సినిమా ఓటీటీ స్ట్రీమింగ్ హక్కులను 'జీ 5' సొంతం చేసుకున్నట్టుగా టాక్ వినిపిస్తోంది. అయితే హక్కులను జీ్5 దక్కించుకున్నా.. ఇటీవల టాలీవుడ్ ప్రోడ్యూసర్ కౌన్సిల్, పెట్టుకున్న నిబంధనల ప్రకారం 50 రోజుల తరువాతే ఈ సినిమా స్ట్రీమింగ్ కానుంది.

ఇక ఈ చిత్రాన్ని మళ్లీ చూడాలని వేచి చూసేవారు.. ఓటీటీలో ఈ సినిమా ఎప్పుడు వస్తుందా.? మళ్లీ ఈ చిత్రాన్ని ఎప్పుడు చూద్దామా అని ఎదురుచూసేవారు మరో నెల రోజుల పాటు వేచివుండాల్సిందే. ఇక ఈ కథ రెండు వేర్వేరు కాలాల్లో జరుగుతుంది. రెండు కాలాల్లో ఒక నిధిని ఒకే సమయంలో తెరవడానికి జరిగే ప్రయత్నమే ఈ సినిమాకి హైలైట్. పాటల పరంగా ఈ సినిమా కాస్త వీక్ అయినప్పటికీ, కథాకథనాల పరంగా .. విజువల్స్ పరంగా లాక్కొచ్చేసింది. త్వరలోనే ఈ సినిమాను హిందీలో రిలీజ్ చేసే దిశగా సన్నాహాలు జరుగుతున్నాయి.