హీరో విశ్వక్ సేన్ కు టీవీ9 చర్చలో పరాభవం

Posted: 05/02/2022 07:48 PM IST

Viral tv anchor asks hero vishwak sen to get out during interview

టీవీ లైవ్‌లో అప్పుడప్పుడూ విచిత్రాలు జరుగుతూ వుంటాయి. లైవ్‌లోనే రాజకీయ నాయకులు కొట్టుకున్న ఘటనలు గతంలో మనకు కన్పించాయి, విన్పించాయి. తాజాగా టీవీ9 యాంకర్‌ లైవ్‌ ఇంటర్వ్యూలో ఒక హీరోని గెట్‌ అవుట్‌ అని స్టూడియో నుంచి బయటకు గెంటేసిన ఘటన సోషల్‌మీడియాలో హల్‌చల్‌ చేస్తున్నది. అశోకవనంలో అర్జున కళ్యాణం అనే సినిమా ప్రమోషన్‌ కోసం హీరో విశ్వక్‌ సేన్‌ నిన్న ఫ్రాంక్‌ వీడియో చేసిన సంగతి తెలిసిందే. ఈ ఫ్రాంక్‌ వీడియో వివాదాస్పదంగా మారింది. ఈ నేపథ్యంలోనే ఈ ఫ్రాంక్‌ వీడియోపై సోమవారంనాడు టీవీ9లో డిబేట్‌ జరిగింది.

ఫ్రాంక్‌ వీడియోకు సంబంధించిన కార్యక్రమం బయట జరుగుతుండగానే టీవీ9 స్టూడియోకు వచ్చిన హీరో విశ్వక్‌సేన్‌ యాంకర్‌ దేవి నాగవల్లితో డిబేట్‌లో పాల్గొన్నాడు. డిబేట్‌ సందర్భంలోనే విశ్వక్‌సేన్‌ ‘డిప్రెస్డ్‌ పర్సన్‌’ అని దేవి అన్నారు. దీంతో విశ్వక్‌సేన్‌కు కోపమొచ్చింది. వెంటనే ఆమెపై ఆగ్రహం వ్యక్తం చేశాడు. తనను పర్సనల్‌గా టార్గెట్‌ చేస్తున్నారని ఆమెపై నిప్పులు చెరిగాడు. అయితే.. దీనిపై దేవీ నాగవల్లి వెంటనే సీరియస్‌గా స్పందించి, గెట్‌ అవుట్‌ ఫ్రమ్‌ మై స్టూడియో అంటూ బయటకు పంపించి వేశారు. ఇక నేను స్టూడియో నుంచి బయటకు వెళ్లగానే వారికి ఇష్టమెచ్చింది చెబుతారు అంటూ అసహనం వ్యక్తం చేసిన విశ్వక్ సేన్ అక్కడి నుంచి వెళ్లిపోయారు.