డేనియల్ శేఖర్ కు భీమ్లానాయక్ టీజీర్ ట్రీట్.. ఫ్యాన్స్ ఖుష్..

Posted: 12/14/2021 09:05 PM IST

పవర్ స్టార్ పవన్ కల్యాణ్ - రానా దగ్గుబాటి కాంబినేషన్లో 'భీమ్లా నాయక్' సినిమా మరికొన్ని రోజుల వ్యవధిలో ప్రేక్షకుల ముందు సందడి చేయడానికి రెడీ అవుతోంది. సాగర్ కె చంద్ర దర్శకత్వం వహించిన ఈ సినిమా, మలయాళంలో భారీ విజయాన్ని అందుకున్న 'అయ్యప్పనుమ్ కోషియుమ్' సినిమాకి రీమేక్. ఇద్దరు వ్యక్తుల మధ్య ఇగో అనేది ఎలాంటి పరిణామాలకి దారితీస్తుందనేది కథ. రానా దగ్గుబాటి పుట్టిన రోజును పురస్కరించుకుని తాజాగా ఈ సినిమా నుంచి ఒక టీజర్ ను రానా అభిమానుల కోసం ట్రీట్ ఇచ్చారు.

రానాకు జన్మదిన శుభాకాంక్షలు తెలియజేస్తూ, ఈ స్పెషల్ వీడియోను రిలీజ్ చేశారు. ఆవేశంతో పవన్ పై రానా విరుచుకుపడే డైలాగ్ తో కూడిన వీడియోను వదిలారు. రానా పాత్ర ఎంత ఫోర్స్ గా ఉంటుందనేది ఈ వీడియో చూస్తే అర్థమైపోతుంది. పవన్ సరసన నాయికగా నిత్యామీనన్.. రానా జోడీగా సంయుక్త మీనన్ నటించిన ఈ సినిమాను సంక్రాంతికి రిలీజ్ చేయనున్నారు. కొత్త ఏడాదిలో వస్తున్న ఈ సినిమా కోసం అంతా కూడా ఎంతో ఆసక్తితో ఎదురుచూస్తున్నారు. ఇక డేనియల్ శేఖర్ పాత్రలో రానా ఏ స్థాయిలో విజృంభిస్తాడో చూడాలి.