‘గని’ షూటింగ్ కు ఫ్యాక్ అప్ చేప్పేసిన వరుణ్ తేజ్

Posted: 10/21/2021 09:10 PM IST

Hype builds around varun tej s kickboxing flick ghani

వరుణ్ తేజ్ కథానాయకుడిగా బాక్సింగ్ నేపథ్యంలో 'గని' సినిమా రూపొందింది. అల్లు బాబీ - సిద్ధు ముద్ద సంయుక్తంగా నిర్మిస్తున్న ఈ సినిమాకి, కిరణ్ కొర్రపాటి దర్శకత్వం వహించాడు. వరుణ్ తేజ్ ఈ సినిమా కోసం విదేశాలకు వెళ్లి మరీ బాక్సింగ్ లో శిక్షణ తీసుకుని వచ్చాడు. అన్నిరంగాలతో పాటు చిత్రరంగంపై కూడా విరుచుకుపడిన కరోనా మహమ్మారి కారణంగా చిత్ర సినిమా షూటింగ్ లో తీవ్ర జాప్యం ఏర్పడింది. లేని పక్షంలో ఈ పాటీకి సినిమా ప్రేక్షకుల ముందుకు రావాల్సింది.

అయితే రెండో దశ అన్ లాక్ తరువాత కరోనా ప్రభావం తగ్గుతూ ఉండగానే కోవిడ్ ప్రమాణాలను పాటిస్తూ.. అత్యంత జాగ్రత్త చర్యలు తీసుకుంటూ షూటింగ్ చేయడంతో ఎట్టకేలకు ఈ చిత్రం షూటింగ్ ఇవాళ్టికి పూర్తైయ్యింది. దీంతో చిత్రబృందం షూటింగు పార్టుకు గుమ్మడికాయ కొట్టేశారు. బాక్సింగ్ నేపథ్యంలో సాగుతున్న ఈ చిత్రం ఆత్యందం ప్రేక్షకులను ఆకట్టుకునేలా కమర్షియల్ ఎలిమెంట్స్ జోడింగ్ రక్తకట్టించే సీన్లను జోడించారని సమాచారం.

ఈ సినిమాతో సయీ మంజ్రేకర్ తెలుగు తెరకి కథానాయికగా పరిచయం కానుంది. ఇక ఈ చిత్రంలో బాలీవుడ్ నిన్నటి తరం హీరో, నటుడు సునీల్ శెట్టితో పాటు కన్నడ హీరో ఉపేంద్ర, జగపతిబాబు.. నవీంచంద్ర ముఖ్యమైన పాత్రలను పోషించారు. పూర్తిగా స్పోర్ట్స్ డ్రామా యాక్షన్ ఎంటర్ టైనర్ గా తెరకెక్కుతున్న ఈ చిత్రానికి ఎస్ తమన్ సంగీతాన్ని సమకూర్చుతున్నారు. కాగా ఈ సినిమాను డిసెంబర్ 3వ తేదీన విడుదల చేయనున్నారు.