విడుదల తేదీ ఖారారు చేసుకున్న క్రిష్-వైష్ణవ్ తేజ్ చిత్రం

Posted: 08/17/2021 04:46 PM IST

Release date locked for vaishnav tej rakul preet s film

ఉప్పెన చిత్రంతో టాలీవుడ్ కు గ్రాండ్ ఎంట్రీ ఇచ్చిన మెగా కాంపౌండ్ హీరో వైష్ణ‌వ్ తేజ్.. తొలిచిత్రంతోనే తనలోని నటనతో తెలుగు ప్రేక్షకుల మదిలో స్థానాన్ని సంపాదించాడు. నటనాపరంగా అన్నివర్గాల ప్రేక్ష‌కులతో పాటు విమర్శకుల నుంచి సైతం మంచి మార్కులు కొట్టేశాడు. ఈ యంగ్ హీరో ప్ర‌స్తుతం క్రిష్ ద‌ర్శ‌క‌త్వంలో ఓ సినిమా చేస్తున్న సంగతి తెలిసిందే. ఈ సినిమా కొండ‌పాలెం న‌వ‌ల ఆధారంగా తెర‌కెక్కుతుంది, ఈ మూవీ విడుద‌లకు సంబంధించిన ఇంట్రెస్టింగ్ న్యూస్‌ ఫిలింన‌గ‌ర్ లో చ‌క్క‌ర్లు కొడుతోంది.

మేక‌ర్స్ ఈ మూవీని అక్టోబ‌ర్ 8న ప్రేక్ష‌కుల ముందుకు తీసుకురావాల‌ని ప్లాన్ చేస్తున్న‌ట్టు న్యూస్ తెర‌పైకి వ‌చ్చింది. ఇప్ప‌టికే ఈ చిత్రం షూటింగ్ పూర్తి చేసుకుంది. గ‌తంలోనే పూర్తి కావాల్సిన ఈ మూవీ వీఎఫ్ ఎక్స్ ప‌నుల్లో కోవిడ్ లాక్ డౌన్ ఎఫెక్ట్ తో ఆల‌స్యం నెల‌కొంది. అయితే ఇపుడు ప్రొడ‌క్ష‌న్ ప‌నుల‌న్నీ పూర్తి కావ‌డంతో మేక‌ర్స్ రిలీజ్ డేట్ పై క్లారిటీకి వ‌చ్చిన‌ట్టు టాలీవుడ్ స‌ర్కిల్ టాక్‌. క్రిష్-వైష్ణ‌వ్ తేజ్ ప్రాజెక్టు విడుద‌ల‌పై అధికారిక ప్ర‌క‌ట‌న రావాల్సి ఉంది.

ఈ చిత్రంలో టాలీవుడ్ ముద్దుగుమ్మ ర‌కుల్ ప్రీత్ సింగ్ డీ గ్లామ‌రైజ్ డ్ పాత్ర‌లో న‌టిస్తోంది. డైరెక్ట‌ర్ క్రిష్ న‌ల్లమల అటవీ ప్రాంతంలో 45 రోజుల్లోనే షూటింగ్ పూర్తి చేయ‌డం విశేషం. ఈ ప్రాజెక్టుకు కొండపాలెం, జంగిల్ బుక్ టైటిల్స్ ను పరిశీలిస్తున్నట్టు టాక్‌. తొలుత ఈ చిత్రాన్ని డిజిట‌ల్ ప్లాట్ ఫాంలోనే విడుద‌ల చేస్తార‌ని వార్త‌లు రాగా..ఈ మూవీని ఓటీటీలో కాకుండా థియేట‌ర్ల‌లో రిలీజ్ చేసేందుకే మేక‌ర్స్ మొగ్గు చూపుతున్న‌ట్టు అర్థ‌మ‌వుతోంది.