మహిళలకు విరాటపర్వం నుంచి రానా దగ్గుబాటి రెడ్ సెల్యూట్..

Posted: 03/08/2021 05:35 PM IST

ఫాన్ ఇండియా నటుడు రానా దగ్గుబాటి అంతర్జాతీయ మహిళాదినోత్సవాన్ని పురస్కరించుకుని తనదైన సినిమా స్టైల్లో మహిళాలోకానికి శుభాకాంక్షలు తెలిపాడు. తన సోషల్ మీడియా వేదికగా ఓ పోస్టును పెట్టి.. అంతర్జాతీయ మహిళాదినోత్సవం సందర్భంగా మహిళాలోకానికి ఆయన శుభాకాంక్షలు తెలుపుతూ ఈ రోజున మహిళామణులంతా సంతోషంగా వేడుక చేసుకోవాలని కోరాడు. ఈ సందర్భంగా తన విరాటపర్వం చిత్రంలోని మహిళా నటీమణుల ఫోటోలతో కూడిన ఓ వీడియోను కూడా అభిమానులతో పంచుకున్నాడు.

 ఆడ‌వి బాట ప‌ట్టిన అనేక మంది వీరుల త‌ల్లుల‌కు వీరు ప్ర‌తిరూపాలు అంటూ విరాట ప‌ర్వం సినిమా నుంచి ప్ర‌త్యేక వీడియోను పంచుకున్నాడు. 'మ‌హా సంక్షోభ‌మే ఓ గొప్ప శాంతికి దారి తీస్తుంద‌ని న‌మ్మిన విప్లవం త‌నది.. వారి మార్గం అసామాన్యం రెడ్ సెల్యూట్' అంటూ దీనికి రానా వాయిస్ ఓవర్ ఇచ్చాడు. విరాటపర్వం హీరోయిన్ సాయి పల్లవి, నందితా దాస్ , ప్రియమణి, ఈశ్వరీరావు, జరీనా వహాబ్, నివేదా పేతురాజ్ లను ఇందులో చూపించారు. ఈ సినిమాకు వేణు ఊడుగుల ద‌ర్శ‌క‌త్వం వ‌హిస్తున్నాడు. ఈ సినిమాను సురేష్ బాబు స‌మ‌ర్ప‌ణ‌లో ఎస్ఎల్వీ సినిమాస్ ప‌తాకంపై సుధాక‌ర్ చెరుకూరి నిర్మిస్తున్నారు. వ‌చ్చేనెల‌ 30న ఈ దీనిని విడుద‌ల చేయ‌నున్నారు.

Red Salute to all the glorious woman out there
- Team #VirataParvam

https://t.co/3UZg0IL3q7#WomenInVirataParvam @Sai_Pallavi92 @nanditadas #Priyamani #EaswariRao #ZarinaWahab @RanaDaggubati @venuudugulafilm @dancinemaniac #SureshBobbili @SureshProdns @SLVCinemasOffl pic.twitter.com/QXUiAVNI8L

— Rana Daggubati (@RanaDaggubati) March 8, 2021