‘‘నువ్వు మూర్తీవభించిన తల్లివి శుభశ్రీ’’: మహిళా ఎస్సైతో చిరంజీవి

Posted: 05/12/2020 05:21 PM IST

పోలీసు అనే పదం వెనుకనున్న కాఠిన్యం గురించి అందరికీ తెలిసిందే కానీ ఆ కాకీ దుస్తులు వెనుకనున్న ఓ మాతృమూర్తి హృదయం మూర్తీభవించిందని కొందరు మాత్రమే గుర్తించగలరు. అలా చేసిన వారితో పాటు వారిని గుర్తించిన వారు కూడా అభినందనీయులే. అయితే లాక్ డౌన్ నేపథ్యంలో అభాగ్యులను అక్కున చేర్చుకుని అన్నం తినిపించిన ఓ పోలీసు అధికారిణిలో మాతృత్వం చూశానని, ఆమె వ్యక్తిత్వం తన హృదయాన్ని తాకిందని చెప్పారు ఓ అగ్రహీరో. ఆయన మరెవరో కాదు మగాస్టార్ చిరంజీవి.

మాతృ దినోత్సవం సందర్భంగా అందరికీ శుభాకాంక్షలు చెబుతూ చిరంజీవి ఈ వీడియోను ట్విటర్లో షేర్‌ చేశారు. రోడ్డుపక్కన మానసిక పరిస్థితి సరిగ్గాలేక ఉన్న వృద్ధురాలికి అన్నం తినిపించిన ఓ పోలీసు అధికారిణి గురించి చిరంజీవి ఈ వీడియోలో చెప్పారు. ఇవాళ ఆ పోలీసు అధికారితో వీడియో కాల్ ద్వారా మాట్లాడారు. అమె తెలుగు రాష్ట్రానికి చెందిన పోలీసు అధికారణి కాదు. పోరుగు రాష్ట్రమైన ఒడిశాకు చెందిన ఆ పోలీస్‌ అధికారిణి అమె. అమె పేరు శుభశ్రీ. అమెతో ఇవాళ ప్రత్యేకంగా మాట్లాడిన వీడియోను చిరంజీవి ఇవాళ షేర్ చేశారు.

ఈ సందర్భంగా మెగాస్టార్ చిరంజీవి గురించి కూడా తెలుసుకున్న శుభశ్రీ చిరంజీవి చేస్తున్న ప్రజాహిత కార్యక్రమాలు, స్వచ్ఛంధ కార్యక్రమాలను కూడా ప్రశంసించారు. చిరంజీవి అమెలో ఓ మాతృమూర్తి హృదయం మూర్తీభవించిందని కొనియాడారు. మీరు మతి స్థిమితం లేని మహిళకు భోజనం తినిపిస్తున్న వీడియోను చూసిన నాటి నుంచి.. మీతో మాట్లాడాని చాలా ప్రయత్నిస్తున్నానని అన్నారు. ఇలాంటి పని చేసినందుకు మిమల్ని అభినందించాలని, మీరు మరిన్నీ ఇలాంటి కార్యక్రమాలు చేసేలా ప్రోత్సహించాలని భావించానని చిరంజీవి చెప్పారు. ఇక వారిద్దరి మధ్య జరిగిన పూర్తి సంభాషణ సారాంశాన్ని మీరూ నేరుగా చూసేయండి!

So delighted to chat with #Shubhasri ji ,the Odisha Cop who cares for citizens like her own.Salute her compassion. @CMO_Odisha @Naveen_Odisha @DGPOdisha pic.twitter.com/15ZURVUITc

— Chiranjeevi Konidela (@KChiruTweets) May 12, 2020