తన ప్రేయసి ఫోటోను ష్యాన్స్ తో షేర్ చేసుకున్న రానా

Posted: 05/12/2020 08:31 PM IST

టాలీవుడ్‌ హీరో.. బాహుబలి సిరీస్ చిత్రాల ప్రతినాయకుడు.. బిగ్ మ్యాన్ ఖ్యాతి గడించిన రానా దగ్గుబాటి తన మహిళా అభిమానులు నిరాశచెందే వార్తను వెల్లడించాడు. రానా దగ్గుబాటి ఇవాళ తన సోషల్ మీడియా అకౌంట్లో చేసిన ఓ పోస్ట్‌తో అందర్నీ ఆశ్చర్యపరిచారు. ఓ అమ్మాయితో కలిసి దిగిన ఫొటోను షేర్‌ చేసి.. ‘ షీ సెడ్ యస్’ (‘ఆమె ఓకే చెప్పింది’) అంటూ షాక్‌ ఇచ్చారు. ఆమె పేరు మిహీకా బజాజ్‌ అని తెలిపారు. ఈ ఫొటోకు తెగ కామెంట్లు, లైక్‌లు వచ్చాయి. అందరూ రానాకు శుభాకాంక్షలు చెప్పారు.

ఈ న్యూస్ పట్ల తెలుగు హీరోయిన్లు సమంత, శ్రుతి హాసన్‌, హన్సిక, రాశీ ఖన్నా, కియారా అడ్వాణీ శుభాకాంక్షలు చెప్పారు. ‘ఓమైగాడ్‌.. కంగ్రాట్స్‌’ అని రామ్‌ చరణ్‌ సతీమణి ఉపాసన కామెంట్‌ చేశారు. ‘మై మెన్‌.. శుభాకాంక్షలు.. ఎంగేజ్డ్‌ గ్యాంగ్‌లోకి నీకు స్వాగతం’ అని నిఖిల్‌ ట్వీట్‌ చేశారు. నితిన్‌ను కూడా ట్యాగ్‌ చేశారు. త్వరలోనే రానా పెళ్లి కుమారుడు కాబోతున్నట్లు తెలుస్తోంది. రానా ఈ ఫొటో షేర్‌ చేసిన 15 నిమిషాల్లోనే దాదాపు 45 వేల మంది లైక్‌ చేయడం విశేషం. మిహీకా బజాజ్‌ స్వస్థలం హైదరాబాద్‌. ఆమె ‘డ్యూ డ్రాప్‌ స్టూడియో’ అనే ఈవెంట్‌ మేనేజ్‌మెంట్‌ కంపెనీని నడుపుతున్నారు.

‘యన్‌.టి.ఆర్‌’ బయోపిక్‌ తర్వాత రానా ‘హౌస్‌ఫుల్‌ 4’లో సందడి చేశారు. ఆపై ‘అరణ్య’లో నటించారు. తెలుగుతోపాటు హిందీ, తమిళ భాషల్లో ఈ చిత్రం విడుదల కాబోతోంది. వేసవి కానుకగా ఏప్రిల్‌లో విడుదల కావాల్సిన ఈ చిత్రాన్ని కరోనా కారణంగా వాయిదా పడింది. మరోవైపు ఆయన ‘విరాటపర్వం’ చిత్రంలో నటిస్తున్నారు. వేణు ఉడుగుల దర్శకత్వం వహిస్తున్న ఈ సినిమాలో సాయి పల్లవి ప్రధాన పాత్ర పోషిస్తున్నారు. రానా నటించిన ‘1945’ విడుదల కావాల్సి ఉంది.