మాస్ మహరాజాతో మిల్కీబ్యూటీ తమన్నా రోమాన్స్

Posted: 03/16/2020 09:40 PM IST

మిల్కీబ్యూటీ తమన్నా ఇటీవల తన మనస్సులోని మాటలను చెబుతూ.. తాను సినిమాల్లో పెట్టుకున్న నో కిస్ కండీషన్ బాలీవుడ్ నటుడు హృతిక్ రోషన్ కోసమైతే పక్కనబెట్టేస్తానని చెప్పింది. అంతేకాదు తన స్వయంవరానికి కూడా హృతిక్ తో పాటు ప్రభాస్ కూడా హాజరుకావాలని కోరుకుంది. అయితే తాజాగా ఈ నటి మాస్ మహరాజ్తో రోమాన్స్ చేస్తోంది. అదేంటి ఇన్ని మాటలు చెప్పిన అమ్మడు ఇలా ప్లేటు ఫిరాయించిందేంటీ అనుకుంటున్నారా.? అంతేకదండీ టైమ్ మనం ఒకటి తలిస్తే.. కాలం మరోటి తలచిందని.. అంతలేదంటారా..

మ్యాటర్ లోకి ఎంట్రీఇస్తే.. ప్రస్తుతం గోపీచంద్ మలినేని దర్శకత్వంలో 'క్రాక్' సినిమా నటిస్తున్న మాస్ మహారాజా రవితేజ ఫుల్ బిజీగా వున్నాడు. శ్రుతి హాసన్ కథానాయికగా నటిస్తున్న ఈ సినిమా, త్వరలో ప్రేక్షకుల ముందుకు రానుంది. ఈ సినిమా తరువాత 'రాక్షసుడు' దర్శకుడు రమేశ్ వర్మతో కలిసి రవితేజ సెట్స్ పైకి వెళ్లనున్నాడు. ఆ తరువాత ప్రాజెక్టుతో నక్కిన త్రినాథరావు రెడీగా వున్నాడు. ఇలా వరుస సినిమాలతో ఫుల్ బిజీగా వున్న రవితేజతో మిల్కీ బ్యూటీ తమన్నా రోమాన్స్ చేయడమేంటీ అంటే..

నక్కిన త్రినాథరావు దర్శకత్వంలో రూపోందనున్న సినిమాలో కథానాయికగా తమన్నాను తీసుకోవాలనే ఉద్దేశంతో ఆయన సంప్రదింపులు జరుపుతున్నాడట. దాదాపుగా కథానాయికగా ఆమెనే ఖరారు కావొచ్చని అంటున్నారు. 'బెంగాల్ టైగర్' తరువాత రవితేజతో తమన్నా జోడీ కడుతున్న చిత్రం ఇదే. ఈ సినిమాలో రవితేజ లుక్ డిఫరెంట్ గా ఉంటుందనీ, తమన్నా పాత్రకి కూడా చాలా ప్రాధాన్యత ఉంటుందని అంటున్నారు. ఈ ప్రాజెక్టుకి సంబంధించిన పూర్తివివరాలు త్వరలోనే తెలియనున్నాయి.