లాభాల బాటలో దూసుకుపోతున్న నితిన్ ‘భీష్మ’

Posted: 02/27/2020 09:02 PM IST

Nithiins bheeshma enters feild of profits crossing breakeven

హీరో నితిన్ నటించిన ‘భీష్మ’ చిత్రం అంచనాలకు మించి బాక్కాఫీసు వద్ద దూసుకుపోతొంది. ఈ సినిమా విజయం సాధించడంతో పాటు అటు నితిన్ పెళ్లి కూడా ఫిక్స్ కావడంతో ఇటీవలే స్టైలిష్ స్టార్ అల్లు అర్జున్ చక్కని సందేశం పంపారు. ఈ నెల 21వ తేదీన ప్రేక్షకుల ముందుకు వచ్చిన ‘భీష్మ’.. విడుదలైన ప్రతి ప్రాంతంలోను విజయవిహారం చేస్తోంది. భారీ ఓపెనింగ్స్ ను రాబట్టిన ఈ సినిమా, ఆ తరువాత కూడా అదే జోరును కొనసాగిస్తూ వెళుతోంది. దీంతో ఇప్పటికే బ్రేక్ ఈవెన్ పాయింట్ ను టచ్ చేసిన సినిమా ఇక లాభాల బాటలో పరుగులు పెడుతోందని ట్రేడ్ వర్గాల బొగట్టా.

దేశ వ్యాప్తంగా 6 రోజుల్లో ఈ సినిమా 28.70 కోట్లను వసూలు చేసింది. ప్రపంచవ్యాప్తంగా చూసుకుంటే, 41.30 కోట్లను రాబట్టిన ఈ సినిమా, 50 కోట్ల క్లబ్ దిశగా పరుగులు తీస్తోంది. ఇప్పటికే లాభాల బాట పట్టిన ఈ సినిమా, యూఎస్ లోను తన దూకుడు కొనసాగిస్తోంది. దగ్గరలో గట్టి పోటీనిచ్చే సినిమాలేవీ లేకపోవడం వలన, ఈ సినిమా మరిన్ని వసూళ్లు సాధించే అవకాశాలు పుష్కలంగా కనిపిస్తున్నాయి. లవ్ .. రొమాన్స్ .. యాక్షన్ .. కామెడీ .. సాంగ్స్ ప్రేక్షకులను ఆకట్టుకోవడంలో ప్రధానమైన పాత్రను పోషించాయనీ, ఈ కారణంగానే ఈ సినిమా ఈ స్థాయి విజయాన్ని సాధించిందనే అభిప్రాయాలు వ్యక్తమవుతున్నాయి.