మంగ్లీ తెరంగ్రేట చిత్రం.. ‘స్వేచ్ఛ’ టీజర్ రిలీజ్

Posted: 02/17/2020 05:11 PM IST

ప్రముఖ గాయని మంగ్లీ టైటిల్‌ రోల్ ను పోషించి తెరంగ్రేటం చేసిన చిత్రం ‘స్వేచ్ఛ’ టీజర్ ను ఇవాళ చిత్రయూనిట్ విడుదల చేసింది. హాస్యనటుడు చమ్మక్ చంద్ర, జబర్థస్ బాలనటి యోధ కీలకపాత్రలు పోషించిన ఈ చిత్రం ఫ్రిబవరి 28న ప్రేక్షకుల ముందుకు రానుంది. కెపీఎన్‌. చౌహన్‌ దర్శకత్వంలో సరస్వతి డెవలపర్స్‌, లచ్చురాం ప్రొడక్షన్స్‌ పతాకంపై నిర్మాత ఆంగోత్‌ రాజునాయక్‌ దీన్ని నిర్మించారు. అడపిల్లల పట్ల సభ్యసమాజంలో కొనసాగుతున్న వివక్షను ఈ చిత్రం ఎత్తిచూపుతుంది.

మేక పిల్లైతే కోసుకుని తింటా.. ఆడపిల్ల పిల్లైతే అమ్ముకుని తింటా అన్న డైలాగ్ హృదయాలను ద్రవింపజేస్తోంది. ఇక ఈ ట్రైయిలర్ లో ఆడపిల్ల గొంతులో వడ్లు పోసే సన్నివేశం కూడా వారిపై జరిగే దారుణాలకు దర్పణం పడుతుంది. ఇక ఈ చిత్రంలో బంజారా వర్గానికి చెందిన ప్రజలు, వారి సంప్రదాయాలు, సంస్కృతులకు కూడా ఈ చిత్రం అద్దం పడుతుంది. ఈ చిత్రంలో మంగ్లీ (సత్యవతి) లేడి డాన్ పాత్రలో నటిస్తున్నట్లు సమాచారం.

చిన్నతనంలో అమ్మకానికి గురై అభాగ్యురాలు.. ఎలా బతికింది? ఆమె ఏం సాధించింది అనే కథాంశంతో తెరకెక్కిన చిత్రం ‘స్వేచ్ఛ’. సెంటిమెంట్‌, వినోదం మేళవింపుతో రూపొందిన ఈ చిత్రానికి సంగీతాన్ని సమకూర్చడంతో పాటు చిత్రంలో ఓ పాత్రలో కూడా మెరిసాడు సంగీత దర్శకుడు భోలో షావలి తెలిపారు. ఈ చిత్రాన్ని దర్శకుడు కేపీఎన్ చౌహాన్ తెరకెక్కించారు. అద్భుతమైన కథాంశంతో రూపోందిన ఈ చిత్రంలో చమ్మక్‌ చంద్ర ముఖ్యపాత్రలో నటించాడు.