ప్రభాస్ అభిమానులకు సంబరం.. ‘జాన్’ నుంచి స్టిల్

Posted: 01/17/2020 07:53 PM IST

బాహుబలి చిత్రాల హీరో రెబల్ స్టార్ ప్రభాస్ ఆ తరువాత వచ్చిన సాహో చిత్రంతో ఫర్వాలేదు అనిపించాడు. అయితే తాజాగా ఆయన అటు చారిత్రాత్మక చిత్రాలకు, ఇటు యాక్షన్ చిత్రాల జోలికి వెళ్లకుండా మిస్టర్ ఫర్ ఫెక్ట్ రేంజ్ లో ఒక రొమాంటిక్ లవ్ స్టోరీలో నటిస్తున్నాడు. ఈ సినిమాకి 'జాన్' అనే టైటిల్ ను పరిశీలిస్తోంది చిత్ర బృందం. ఈ సినిమాలో ప్రభాస్ జోడీగా పూజా హెగ్డే నటిస్తోంది. కొన్ని రోజులుగా ఈ సినిమా నుంచి ఎలాంటి అప్ డేట్ లేకపోవడంతో అభిమానులు అసంతృప్తిని వ్యక్తం చేశారు.

అయితే అభిమానులను సంతోషపర్చేందుకు.. ముందుగా చెప్పినట్టుగానే ఈ రోజున సోషల్ మీడియా ద్వారా ప్రభాస్ ఒక అప్ డేట్ వదిలాడు. ఈ సినిమాకి సంబంధించిన ఒక స్టిల్ ను ఆయన రిలీజ్ చేశాడు. విలాసవంతమైన ఒక భవనంలోకి అడుగుపెట్టిన ఆయన, అక్కడి పరిసరాలను చూస్తూ ఏదో గుర్తు చేసుకుంటున్నట్టుగా కనిపిస్తున్నాడు. డిఫరెంట్ లుక్ లో ప్రభాస్ కనిపించనున్నాడనే విషయం మాత్రం అర్థమవుతోంది. పునర్జన్మలతో ముడిపడిన ఈ కథ .. యూరప్ నేపథ్యంలో రూపొందుతోంది. కాగా మొత్తానికి చిత్రం నుంచి అప్ డేట్ లభించడంతో ప్రభాస్ అభిమానులు సంబరపడుతున్నారు.