మిస్ అయిన హీరోయిన్.. మిస్సెస్ గా ప్రత్యక్షం..

Posted: 01/10/2020 11:42 AM IST

కర్ణాటకలో తీవ్ర సంచలనం రేపిన హీరోయిన్ విజయలక్ష్మి అదృశ్యం కేసు సుఖాంతమైంది. ఓ సినీ నిర్మాత నుంచి ఆమె డబ్బు తీసుకుని పారిపోయినట్టు వార్తలు రాగా, తాజాగా ఆమె రాయచూరులో తన భర్త ఆంజనేయతో కలిసి ప్రత్యక్షమైంది. తాను శాండల్ వుడ్ కు చెందిన దర్శకుడు అంజనప్పను గత కొన్నాళ్లుగా ప్రేమిస్తున్నానని, ఆయనను పెళ్లి చేసుకుంటానని చెప్పినా తల్లిదండ్రులు అంగీకరించలేదని.. దీంతో తాను వారికి చెప్పకుండా భర్తకు చెందిన గ్రామానికి చేరుకుని అక్కడ అతడ్ని వివాహం చేసుకున్నామని వెల్లడించింది.

ప్రస్తుతం తాను అంజనప్ప ఇద్దరి చట్టరిత్యా భార్యభర్తలమని, తమను విడదీసేందుకు తమ తల్లిదండ్రులు అన్ని ప్రయత్నాలు చేస్తున్నారని, వారి నుంచి తమకు రక్షణ కల్పించాలని కోరుతూ అమె రాయచూర్ జిల్లా ఎస్పీ సిబి వేదమూర్తిని అభ్యర్థించారు. అయితే తమ కూతురు కనిపించకుండా పోవడంతో అమె అదృశ్యంపై అందోళన చెందిన అమె తల్లిదండ్రులు మాండ్యాలో పోలీసులకు పిర్యాదు చేయగా వారు అదృశ్యం కింద కేసు నమోదు చేశారు. కాగా విజయలక్ష్మీ తల్లిదండ్రుల పిర్యాదులో అంజనప్పపై అనుమానాలు వ్యక్తం చేసిన నేపథ్యంలో.. తాజాగా విజయలక్ష్మీ దంపతులు వాంగ్మూలంతో ఆ కేసును పోలీసులు క్లోజ్ చేయనున్నారు.

ఇదిలావుండగా విజయలక్ష్మీ తన తల్లిదండ్రులపై సంచలన ఆరోపణలు చేసింది. ఎస్పీ వేదమూర్తి అదేశానుసారం వారు హళ్లి హోసూరు పోలీసు స్టేషన్ కు చేరుకుని అక్కడ తమకు రక్షణ కావాలని కోరిన తరువాత మీడియాతో మాట్లాడారు. తాను ఆంజనేయను ప్రేమించానని, గంగావతిలో వివాహం చేసుకున్నానని, ఇది నచ్చక తన తల్లి సవిత, అమ్మమ్మ విషం తాగి సూసైడ్ అటెంప్ట్ చేసినట్టు వార్తలను సృష్టించి డ్రామాలాడారని ఆరోపించింది. తాను ఎవరి నుండి డబ్బులు తీసుకోలేదని అమె మీడియా ముఖంగా స్పష్టం చేశారు.

తన కన్న తండ్రి నుంచి తల్లి సవిత ఆరేళ్ల క్రితమే విడిపోయి, మరో వ్యక్తిని వివాహం చేసుకుందని, పెంచిన తండ్రి పెట్టే బాధలను తాను తట్టుకోలేకపోతున్నానని సంచలన ఆరోపణలు చేసింది. తన భర్తను చంపేందుకు కూడా కుట్ర చేశారని, తాను ఎవరి నుంచీ డబ్బులను, బంగారాన్ని తీసుకోలేదని చెప్పింది. తాను పెళ్లి చేసుకోకూడదని, డబ్బులు సంపాదిస్తూ ఉండాలన్నదే వారి అభిమతమని ఆరోపించింది. జిల్లా పోలీసులను కలసి రక్షణ కల్పించాలని కోరినట్టు పేర్కొంది.